ഒറ്റപ്പാലം: ശബരിമല കര്‍മ സമിതി ആഹ്വാനം ചെയ്ത ഹര്‍ത്താലില്‍ ഒറ്റപ്പാലത്ത് നടന്ന അക്രമ സംഭവത്തില്‍ പൊലിസിനെ അക്രമിക്കുകയും പൊതുമുതല്‍ നശിപ്പിക്കുകയും ചെയ്ത കേസില്‍ ഒരാള്‍ കൂടി അറസ്റ്റിലായി.
തോട്ടക്കര കുന്നത്ത് ഹൗസ് ചന്ദ്രന്റെ മകന്‍ ശശികുമാര്‍ (34) ആണ് അറസ്റ്റിലായത്. മൂന്ന് സംഭവങ്ങളിലായി സംഘ്പരിവാര്‍ പ്രവര്‍ത്തകരായ 350 പേര്‍ക്കെതിരേ ഹര്‍ത്താല്‍ ദിനത്തില്‍ ഒറ്റപ്പാലം പൊലിസ് കേസെടുത്തിരുന്നു. കേസില്‍ 24പേര്‍ ഇതുവരെ അറസ്റ്റിലായി.