ഫറോക്ക്: ഫാറൂഖ് കോളജ് വിദ്യാര്‍ഥി യൂനിയന്റെ ആഭിമുഖ്യത്തില്‍ സീതി സാഹിബ് അനുസ്മരണം സംഘടിപ്പിച്ചു. എ.വി.ടി ഹാളില്‍ നടന്ന പരിപാടി പുത്തൂര്‍ റഹ്മാന്‍ ഉദ്ഘാടനം ചെയ്തു. അഷ്‌കര്‍ ഫറോക്ക് അനുസ്മരണ പ്രഭാഷണം നടത്തി. വിദ്യാര്‍ഥി യൂനിയന്‍ ചെയര്‍മാന്‍ പി.വി ഫാഹിം അഹമ്മദ് അധ്യക്ഷനായി.
ചടങ്ങില്‍ ബ്ലൈന്‍ഡ് ക്രിക്കറ്റ് ടീമിനുള്ള ക്രിക്കറ്റ് കിറ്റ് കൈമാറി. പ്രിന്‍സിപ്പല്‍ പ്രൊഫ. ഇ.പി ഇമ്പിച്ചിക്കോയ, യൂനിയന്‍ ഉപദേഷ്ടാവ് പ്രൊഫ. അബ്ദുല്‍ റഹീം, യു.യു.സി സ്വാഹിബ് മുഹമ്മദ്, യൂനിയന്‍ ഭാരവാഹികളായ ആദില്‍ ജഹാന്‍, നാജിയ, നൂഹ പ്രസംഗിച്ചു. സ്റ്റുഡന്റസ് എഡിറ്റര്‍ മുഹമ്മദ് അസ്ഹര്‍ സ്വാഗതവും ജനറല്‍ സെക്രട്ടറി ഹാഫിസ് മുഹ്‌സിന്‍ നന്ദിയും പറഞ്ഞു.
വടകര കേന്ദ്രീകരിച്ച് അധ്യാപക കൂട്ടായ്മ രൂപീകരിച്ചു
വടകര: സംസ്ഥാനത്തെ ഗവ., എയ്ഡഡ് ആര്‍ട്‌സ് സയന്‍സ് കോളജുകളില്‍ നിന്നും വിരമിച്ച അധ്യാപകരുടെ കൂട്ടായ്മ വടകര കേന്ദ്രീകരിച്ച് രൂപീകരിച്ചതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പ്രൊഫസേഴ്‌സ് എജ്യൂക്കേഷനല്‍ സൊസൈറ്റി വടകര എന്ന പേരില്‍ പ്രവര്‍ത്തിക്കുന്ന സംഘടന വിദ്യാഭ്യാസ മേഖലയിലെ സേവനമാണ് ലക്ഷ്യമിടുന്നതെന്ന് ഭാരവാഹികള്‍ പറഞ്ഞു.
ഉയര്‍ന്ന വിദ്യാഭ്യാസ യോഗ്യതയുള്ള യുവതീ യുവാക്കള്‍ക്ക് ഉന്നതമായ ജോലികള്‍ ലഭിക്കുന്നതിനുതകുന്ന പരിശീലന കേന്ദ്രങ്ങള്‍, ഫിനിഷിങ് സ്‌കൂള്‍, ഗൈഡന്‍സ് സെന്റര്‍, കൗണ്‍സലിങ് സെന്റര്‍, അക്കാദമിക് സേവനങ്ങള്‍, കണ്‍സള്‍ട്ടന്‍സി സര്‍വിസ്, വിവിധ ഗവേഷണ പ്രൊജക്ടുകള്‍ എന്നിവ ലക്ഷ്യമിടുന്നു. ആദ്യ സംരംഭമെന്നനിലയില്‍ യു.ജി.സി-ജെ,ആര്‍.എഫ് നെറ്റ്, എച്ച്.എസ്.എസ്.ടി സെറ്റ് കോച്ചിങ്, ക്രാഷ് പ്രോഗ്രാം എന്നിവ ആരംഭിക്കും.
കോഴ്‌സിന് ചേരുന്നവര്‍ക്കായി 11ന് ടി.എസ്.ഹാളില്‍ വെച്ച് കൗണ്‍സലിങ് നടക്കും. ഫോണ്‍: 9544259402, 9446641359,9447862716. വാര്‍ത്താസമ്മേളനത്തില്‍ വി.എസ് രാജേന്ദ്രന്‍, ഡോ. എം.പി രാജന്‍, ഡോ.എന്‍.കെ ഹരിദാസ്, പ്രൊഫ.അരവിന്ദന്‍, ഡോ.വി.കുമാരന്‍, പ്രൊഫ. എം.പ്രദീപ്കുമാര്‍ പങ്കെടുത്തു.