ന്യൂഡല്‍ഹി: കോണ്‍ഗ്രസ് നേതാവ് സോണിയാഗാന്ധി തങ്ങളെ ധര്‍മം പഠിപ്പിക്കേണ്ടെന്ന കേന്ദ്രമന്ത്രിയും ബി.ജെ.പി നേതാവുമായ രവിശങ്കര്‍ പ്രസാദിന്റെ പ്രസ്താവനയ്ക്കു മറുപടിയുമായി കോണ്‍ഗ്രസ് നേതാവ് കപില്‍ സിബല്‍. വാജ്‌പെയ് പറഞ്ഞിട്ട് കേള്‍ക്കാത്ത നിങ്ങളാണോ കോണ്‍ഗ്രസ് പറഞ്ഞിട്ട് കേള്‍ക്കാന്‍പോകുന്നതെന്നായിരുന്നു അദ്ദേഹത്തിന്റെ പരാമര്‍ശം.

2002ലെ ഗുജറാത്ത് കലാപത്തിനിടെ മോദിക്ക് വാജ്‌പെയ് നല്‍കിയ നിര്‍ദേശം പാലിക്കാത്തതിനെ പരാമര്‍ശിച്ചായിരുന്നു കപില്‍ സിബലിന്റെ പ്രസ്താവന.

രാജധര്‍മം പാലിക്കണമെന്നായിരുന്നു അന്നു വാജ്‌പെയ് നിര്‍ദേശിച്ചിരുന്നത്. ഇതേ ആവശ്യവുമായി ഡല്‍ഹിയിലെ ആക്രമണ സമയത്ത് കോണ്‍ഗ്രസ് നേതാക്കള്‍ രാഷ്ട്രപതിയെ സമീപിച്ചിരുന്നു. ഇതിനായിരുന്നു രവിശങ്കര്‍ പ്രസാദ് മറുപടി പറഞ്ഞിരുന്നു.