ദോഹ. കെ എം സി സി കോഴിക്കോട് ജില്ലാ കൗണ്‍സിലര്‍ കുന്നത്ത് സിദ്ധീഖ് (43) ദോഹയില്‍ മരണപ്പെട്ടു. നാദാപുരം വാണിമേല്‍ സ്വദേശിയാണ്. അസുഖബാധിതനായതിനെ തുടര്‍ന്ന് കഴിഞ്ഞ ഒരാഴ്ച്ചയായി ഹമദ് ആശുപത്രിയില്‍ ചികില്‍സയിലായിരുന്നു. പരേതനായ കുന്നത് കുഞ്ഞമ്മദിന്റെ മകനാണ്. കല്ലാച്ചി വിഷ്ണുമംഗലം തറവട്ടത്ത് അഫ്‌സസത്താണ് ഭാര്യ. ഹന്ന ഫാത്തിമ , ഫാത്തിമ ലിയാന , സന യാസ്മിന്‍ , ഐഷ അഫ്രീന്‍ എന്നിവര്‍ മക്കളാണ് . കുഞ്ഞബ്ദുല്ല , മുസ്‌ലിം ജമാഅത്ത് കോഴിക്കോട് ജില്ല സെക്രട്ടറി ഹുസൈന്‍ കുന്നത്ത് , മാപ്പിള കവി കുന്നത്ത് മൊയ്തു മാസ്റ്റര്‍ , ആലി , അബ്ദുറഹ്മാന്‍ മാസ്റ്റര്‍, മൂസ്സ (ദുബൈ) തുഫൈല്‍ (കുവൈത്ത്) എന്നിവര്‍ സഹോദരന്മാരാണ്. മൂന്ന് സഹോദരിമാരുമുണ്ട് . മയ്യത്ത് ഇന്ന് (ഞായര്‍ ) നാട്ടിലേക്ക് കൊണ്ടു പോകും.

മയ്യത്ത് നമസ്‌കാരം (ഞായര്‍) ഉച്ചക്ക് രണ്ട് മണിക്ക് ഹമദ് ആശുപത്രി പരിസരത്ത് നടക്കുമെന്ന് ബന്ധുക്കള്‍ അറിയിച്ചു.