ജിദ്ദ: സഊദിയിലെ എല്ലാ തൊഴില്‍ മേഖലകളിലും നിശ്ചിത ശതമാനം സഊദിവത്ക്കരണം നടത്തുന്നതിനായി മാനവ വിഭവശേഷി-സാമൂഹിക വികസന മന്ത്രാലയം പഠനം നടത്തുന്നു.

സഊദി മാനവ വിഭവശേഷി-സാമൂഹിക വികസന മന്ത്രാലയ സഹമന്ത്രി ഡോ: അബ്ദുല്ല അബൂഥ്വനൈന്‍ ആണു ഇക്കാര്യം വ്യക്തമാക്കിയത്.

നേരത്തെ ഫാര്‍മസി, ഡെന്‍്‌റല്‍ മേഖലകളില്‍ നടപ്പാക്കിയത് പോലെ നിശ്ചിത ശതമാനം സഊദിവത്ക്കരണം മുഴുവന്‍ പ്രഫഷനുകളിലും ബാധകമാക്കുന്നതിനെക്കുറിച്ചുള്ള പഠനം ആരംഭിച്ച് കഴിഞ്ഞതായി അദ്ദേഹം അറിയിച്ചു. 

 

ഉടന്‍ തന്നെ വിവിധ പ്രഫഷനുകളില്‍ സഊദിവത്ക്കരണ തോത് നിശ്ചയിച്ച് കൊണ്ടുള്ള പ്രഖ്യാപനം ഉണ്ടാകുമെന്നും ഡോ: അബൂഥ്വനൈന്‍ അറിയിച്ചു. സ്വകാര്യ സ്ഥാപനങ്ങളെ പിന്തുണക്കുന്നതിനുള്ള ഒരു വര്‍ക്‌ക്ഷോപ്പില്‍ വെച്ചാണു സഹമന്ത്രി  ഇക്കാര്യം പറഞ്ഞത്.

എന്‍ജയറിംഗ് പ്രഫഷനുകള്‍ സഊദിവത്ക്കരണം നടത്തുന്നതിലേക്ക് അടുത്ത് കൊണ്ടിരിക്കുകയാണെന്നും തുടര്‍ന്ന് ആരോഗ്യ മേഖലയിലെ വിവിധ പ്രഫഷനുകളും സഊദി വത്ക്കരണം നടത്തുമെന്നും കഴിഞ്ഞ ദിവസം മന്ത്രി എന്‍ജിനീയര്‍ അഹ്മദ് അല്‍ റാജ്ഹി പറഞ്ഞിരുന്നു.