അക്കപുല്‍ക്കോ (മെക്‌സിക്കോ): സ്പാനിഷ് കരുത്തന്‍ റാഫേല്‍ നദാലിനെ അട്ടിമറിച്ച് അമേരിക്കയുടെ സാം ക്യൂറെ മെക്‌സിക്കോ ഓപണ്‍ ടെന്നീസ് കിരീടം സ്വന്തമാക്കി. നേരത്തെ രണ്ടു തവണ ഇവിടെ ചാംപ്യനായിട്ടുള്ള മുന്‍ ലോക ഒന്നാം നമ്പര്‍ താരവും നിലവിലെ ആസ്‌ത്രേലിയന്‍ ഓപണ്‍ റണ്ണറപ്പുമായ നദാല്‍ മൂന്നാം കിരീടമാണു ലക്ഷ്യമിട്ടത്.
എന്നാല്‍ ഫൈനലില്‍ ക്യൂറെ നദാലിനെ ഞെട്ടിക്കുകയായിരുന്നു. സ്‌കോര്‍: 6-3, 7-6 (7-3). റാങ്കിങില്‍ 40ാം സ്ഥാനത്തുള്ള ക്യൂറെ 19 എയ്‌സുകള്‍ ഉതിര്‍ത്താണു കരിയറില്‍ ആദ്യമായി നദാലിനെ വീഴ്ത്തിയത്.