തൃശൂര്‍: ലോക്‌സഭാ തെരഞ്ഞെടുപ്പില്‍ സി.പി.ഐ കൂടുതല്‍ സീറ്റ് ആവശ്യപ്പെടില്ലെന്ന് സംസ്ഥാന സെക്രട്ടറി കാനം രാജേന്ദ്രന്‍. തൃശൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. പാര്‍ട്ടിയുടെ കൈവശമുള്ള നാല് സീറ്റുകളില്‍ മാത്രമെ പാര്‍ട്ടി മത്സരിക്കുകയുള്ളൂ. സീറ്റ് വിഭജന ചര്‍ച്ചകളല്ല ഇപ്പോള്‍ എല്‍.ഡി.എഫില്‍ നടക്കുന്നത്. മാവേലിക്കര സീറ്റില്‍ കെ.പി.എം.എസ് ജന.സെക്രട്ടറി പുന്നല ശ്രീകുമാറിനെ സി.പി.ഐ പിന്തുണയോടെ മത്സരിപ്പിക്കുമെന്ന വാര്‍ത്ത അദ്ദേഹം തള്ളി. സ്ഥാനാര്‍ഥികളെ സംബന്ധിച്ച് ഒരു ചര്‍ച്ചയും ഇതുവരെ നടന്നിട്ടില്ലെന്ന് അദ്ദേഹം പറഞ്ഞു.
നമ്പി നാരായണനെതിരെയുള്ള സെന്‍കുമാറിന്റെ പ്രസ്താവനയെ വിമര്‍ശിച്ച അദ്ദേഹം സെന്‍കുമാര്‍ മറുപടി അര്‍ഹിക്കുന്നില്ലെന്നും വ്യക്തമാക്കി.