പേരൂര്‍ക്കട: വീടിനോട് ചേര്‍ന്നുള്ള കോഴിക്കൂടില്‍ സ്ഥാപിച്ചിരുന്ന വലയില്‍ ഏഴടി നീളമുള്ള മൂര്‍ഖന്‍ കുടുങ്ങി. ഇന്നലെ രാവിലെ നെട്ടയം സ്വദേശി ജോണ്‍ മാത്യൂസിന്റെ വീട്ടിലാണ് സംഭവം. രാവിലെ കോഴിക്കൂടിനടുത്തെത്തിയപ്പോഴാണ് വലയില്‍ കുടുങ്ങി അനങ്ങാനാകാതെ കിടക്കുന്ന പാമ്പിനെ വീട്ടുകാര്‍ കണ്ടത്. വീട്ടുകാര്‍ വിവരം പൊലിസിലറിയിച്ചു. പൊലിസുകാര്‍ ാമ്പുപിടിത്തക്കാരന്‍ വാവ സുരേഷിനെ അറിയിച്ചു.
ഏറെ നേരം കഴിഞ്ഞിട്ടും വാവ എത്താതായതോടെ പേരൂര്‍ക്കട എസ്.ഐ അബുള്‍ ഫാസിലും പൊലിസുകാരും എത്തി മൂര്‍ഖനെ വലയില്‍ നിന്നു മോചിപ്പിച്ചു. മൂര്‍ഖനെ പിന്നീട് വനംവകുപ്പ് അധികൃതര്‍ക്കു കൈമാറി.