ആറ്റിങ്ങല്‍: എസ്.ഐയെ മര്‍ദിച്ച യുവാവിനെ പൊലിസ് അറസ്റ്റു ചെയ്തു. വഞ്ചിയൂര്‍ കൊക്കോട്ടുകോണത്ത് നജുമുദ്ദീ(31)നാണ് അറസ്റ്റിലായത്.
കഴിഞ്ഞ ദിവസം രാത്രി ഏഴ് മണിയോടെ ആറ്റിങ്ങല്‍ ആലംകോട് വഞ്ചിയൂരിന് സമീപത്തുവച്ചായിരുന്നു സംഭവം. പാലോട് സ്റ്റേഷനിലെ അഡീഷണല്‍ എസ്.ഐ അവനീഷ് കുമാറിനെയാണ് ഇയാള്‍ മര്‍ദിച്ചത്. ഇദ്ദേഹം ആറ്റിങ്ങല്‍ ട്രാഫിക് എസ്.ഐ ആയിരുന്നു.
ഈയടുത്താണ് സ്ഥലംമാറി പാലോട് സ്റ്റേഷനിലെ അഡീഷണല്‍ എസ്.ഐ ആയി പോയത്. എസ്.ഐ സ്വന്തം വീട്ടിലേക്ക് പോകുമ്പോള്‍ നജുമുദ്ദീന്‍ തടഞ്ഞു നിര്‍ത്തി അസഭ്യം
പറയുകയും മര്‍ദിക്കുകയുമായിരുന്നു. ഇയാള്‍ മദ്യലഹരിയിലായിരുന്നുവെന്ന് പൊലിസ് പറഞ്ഞു.