ന്യൂഡല്‍ഹി: ഉപഭോക്താക്കളുടെ എണ്ണത്തില്‍ നേട്ടം കൈവരിച്ചതിനു പിന്നാലെ  മികച്ച സേവനം നല്‍കിയ പട്ടികയിലും ഇടം പിടിച്ചിരിക്കുകയാണ് ജിയോ.

ശരാശരി ഡാറ്റ ഡൗണ്‍ലോഡ് വേഗതയില്‍ ഡിസംബറിലുണ്ടായിരുന്നതിന്റെ ഇരട്ടിയിലേറെ വേഗതയാണ് ജനുവരിയില്‍ ഉപഭോക്താക്കള്‍ക്ക് ലഭിച്ചതെന്നു ട്രായിയുടെ കണക്കുകള്‍ വ്യക്തമാക്കുന്നത്.

ഉപഭോക്താക്കളില്‍നിന്ന് മൈ ഡാറ്റ സ്പീഡ് ആപ്പുപയോഗിച്ച് വിവരശേഖരണം നടത്തിയാണ് ട്രായ് ഈ പട്ടിക പുറത്തു വിട്ടത്.

ഡിസംബറില്‍ ജിയോ ഡൗണ്‍ലോഡ് വേഗത ശരാശരി സെക്കന്റില്‍ 8.42 എം.ബിയായിരുന്നു. എന്നാല്‍ ജനുവരിയില്‍ ഇത് സെക്കന്റില്‍ 17.42 എം.ബിയായി വര്‍ധിച്ചു.

രണ്ടാം സ്ഥാനത്തുള്ള ഐഡിയയുടെ ശരാശരി ഡൗണ്‍ലോഡ് വേഗത മിനുട്ടില്‍ 6.6-ല്‍ നിന്ന് 8.53 ആയി മാത്രമാണ് വര്‍ധിച്ചത്. എയര്‍ടെല്ലിന്റെ ശരാശരി വര്‍ധനവ് 8.15ല്‍ നിന്ന് 8.42 ഉം വോഡഫോണിന്റേത് 2.89ല്‍ നിന്ന് 6.13യും ആണ്. ബി.എസ്.എന്‍.എല്ലിന്റേത് 3.16ല്‍ നിന്ന് 6.8യും ആണ്.