തൃശൂര്‍: ഈ വര്‍ഷത്തെ ടെലഗ്രാഫ് കെ. വി ഡാനിയേല്‍ പുരസ്‌കാരം പത്രപ്രവര്‍ത്തകനും എഴുത്തുകാരനുമായ പ്രഭാവര്‍മയ്ക്കു സമ്മാനിക്കും. 25,000 രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്‌കാരം. മാധ്യമ സാഹിത്യ രംഗങ്ങളിലെ സമഗ്ര സംഭാവനകള്‍ പരിഗണിച്ചാണ് ജേതാവിനെ തിരഞ്ഞെടുത്തതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
1999ലാണ് ടെലഗ്രാഫ് കെ. വി ഡാനിയേല്‍ പുരസ്‌കാരം ഏര്‍പ്പെടുത്തിയത്. വാര്‍ത്താസമ്മേളനത്തില്‍ അവാര്‍ഡ് നിര്‍ണയസമിതി അംഗങ്ങളായ ഡേവിസ് കണ്ണനായ്ക്കല്‍, എന്‍. ശ്രീകുമാര്‍, പ്രൊഫ. എം. മുരളീധരന്‍, വില്യംസ് ഡാനിയേല്‍ പങ്കെടുത്തു.