ശാസ്താംകോട്ട: പുരാവസ്തുക്കള്‍ കയറ്റുമതി ചെയ്യുന്ന വ്യവസായത്തില്‍ പങ്കാളിയാക്കാമെന്ന് വാഗ്ദാനം ചെയ്ത് പണവും സ്വര്‍ണവും തട്ടിയെടുത്തതായി പരാതി. ചക്കുവള്ളിയില്‍ സ്വകാര്യ ആശുപത്രി നടത്തുന്ന ഡോക്ടറില്‍ നിന്നുമാണ് മൂവര്‍ സംഘം ഏഴ്‌ലക്ഷം രൂപയും എട്ട് പവന്‍ സ്വര്‍ണവും തട്ടിയെടുത്തത്.
 ഇടയനാട് കലതിവിള സ്വദേശി സന്ധ്യയെന്ന് വിളിക്കുന്ന അനിത, ഇടുക്കി സ്വദേശി ശശി, തമിഴാനാട് സ്വദേശി കൃഷ്ണ മുരുകേശ് എന്നിവര്‍ ചേര്‍ന്നാണ് തട്ടിപ്പ് നടത്തിയെന്നാണ്  പരാതി.  ശൂരനാട് പൊലിസ്  അന്വേഷണം തുടങ്ങി.