വളാഞ്ചേരി: അനേകായിരങ്ങള്‍ക്കു തണലേകിയ ആത്മീയ ഗുരുവായിരുന്നു അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാരെന്നു സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍. അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാരുടെ വിയോഗത്തിന്റെ നാല്‍പതാം ദിനത്തോടനുബന്ധിച്ച് ഫത്ഹുല്‍ ഫത്താഹ് സംഘടിപ്പിച്ച ഖത്മുല്‍ ഖുര്‍ആന്‍ സദസും ദുആ മജ്‌ലിസും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സിയാറത്തിനു കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി നേതൃത്വം നല്‍കി. ഖത്മുല്‍ ഖുര്‍ആന്‍, മൗലിദ് പാരായണം തുടങ്ങിയവയ്ക്കു പൂക്കോയ തങ്ങള്‍ ബാ അലവി നേതൃത്വം നല്‍കി. സമാപന പ്രാര്‍ഥനയ്ക്കു വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കി. എംഎം മുഹ്‌യിദ്ദീന്‍ മുസ്‌ലിയാര്‍ ആലുവ, ആദൃശ്ശേരി ഹംസക്കുട്ടി മുസ്‌ലിയാര്‍, സയ്യിദ് ഫസല്‍ തങ്ങള്‍, സയ്യിദ് ബാപ്പുട്ടി തങ്ങള്‍, ആനമങ്ങാട് അബ്ദുര്‍റഹ്മാന്‍ മുസ്‌ലിയാര്‍, അബ്ദുല്‍ ഗഫൂര്‍ അല്‍ഖാസിമി, യൂസുഫ് മുസ്‌ലിയാര്‍ കൊടുവള്ളി, അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ, സുലൈമാന്‍ ലത്വീഫി, ഡോ. സാലിം ഫൈസി കൊളത്തൂര്‍, മാത്തൂര്‍ ഉസ്താദ്, ഇ.കെ മൊയ്തീന്‍ ഹാജി, പൊന്‍മള ബഷീര്‍ ബാഖവി, ഇ.കെ മൊയ്തീന്‍ ഹാജി, ഹംസ അന്‍വരി മോളൂര്‍, പാലകത്ത് അബൂബക്കര്‍ മുസ്‌ലിയാര്‍, മുഹമ്മദ് ഫൈസി അത്തിപ്പറ്റ, ജലീല്‍റഹ്മാനി വാണിയന്നൂര്‍, അഷ്‌റഫ് ഹുദവി ആലുവ, ഉമറുല്‍ ഫാറൂഖ് ഹുദവി, സി.പി ഹംസ ഹാജി സംബന്ധിച്ചു.