പേങ്ങാട്ടിരി: പൊട്ടച്ചിറ മഖാം ഉറൂസ് മുബാറകും അന്‍വരിയ്യ അറബിക് കൊളജ് അന്‍പതാം വാര്‍ഷിക സമ്മേളന പ്രഖ്യാപനവും ഫെബ്രുവരി ഒന്ന് മുതല്‍ നാല് വരെ നടക്കും. ഫെബ്രുവരി ഒന്നിന് വെള്ളിയാഴ്ച്ച ഉച്ചക്ക് 1.30ന് അന്‍വരിയ്യ ജന. സെക്രട്ടറി ഖാസി. സി. മുഹമ്മദ് മുസ്്‌ലിയാര്‍ പതാക ഉയര്‍ത്തും. തുടര്‍ന്ന് നടക്കുന്ന സമൂഹ സിയാറത്തിന് അന്‍വരിയ്യ പ്രിന്‍സിപ്പല്‍ ആദൃശ്ശേരി ഹംസക്കുട്ടി മുസ്്‌ലിയാര്‍ നേതൃത്വം നല്‍കും. വൈകുന്നേരം ഏഴ് മണിക്ക് മജ്‌ലിസുന്നൂര്‍ ആത്മീയ സദസ് നടക്കും. ഏലംകുളം ബാപ്പു മുസ്്‌ലിയാര്‍ നേതൃത്വം നല്‍കും. ഇബ്രാഹീം അന്‍വരി പഴയന്നൂര്‍, മുഹമ്മദലി അന്‍വരി പൊട്ടച്ചിറ, എ. മുഹമ്മദലി തെയ്യോട്ടുചിറ പ്രസംഗിക്കും. ശനിയാഴ്ച്ച രാത്രി ഏഴ് മണിക്ക് മതപ്രഭാഷണം നടക്കും. സമസ്ത മുശാവറാംഗം സയ്യിദ് കെ.പി.സി തങ്ങള്‍ വല്ലപ്പുഴ പ്രാര്‍ഥന നടത്തും. സമസ്ത മുശാവറാംഗം നെല്ലായ കുഞ്ഞഹമ്മദ് മുസ്്‌ലിയാര്‍ അധ്യക്ഷനാകും. ആദൃശ്ശേരി ഹംസക്കുട്ടി മുസ്്‌ലിയാര്‍ ഉദ്ഘാടനം ചെയ്യും. സുലൈമാന്‍ ദാരിമി ഏലംകുളം മുഖ്യപ്രഭാഷണം നടത്തും. മരക്കാര്‍ മൗലവി മാരായമംഗലം, സ്വലാഹുദ്ധീന്‍ ഫൈസി വല്ലപ്പുഴ, അഡ്വ. മുഹമ്മദലി മാറ്റാംതടം പ്രസംഗിക്കും. ഞായറാഴ്ച്ച രാത്രി ഏഴിന് അന്‍വരിയ്യ കോളജിന്റെ അന്‍പതാം വാര്‍ഷിക പ്രഖ്യാപന സമ്മേളനം നടക്കും. സയ്യിദ് ഇമ്പിച്ചിക്കോയ തങ്ങള്‍ പഴയലക്കിടി പ്രാര്‍ഥന നിര്‍വഹിക്കും. പാണക്കാട് സയ്യിദ് മുഈനലി ശിഹാബ് തങ്ങള്‍ അന്‍വരിയ്യ അറബിക് കൊളജ് അന്‍പതാം വാര്‍ഷിക സമ്മേളന പ്രഖ്യാപനം നടത്തും. സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്്‌ലിയാര്‍ അധ്യക്ഷനാകും. നൗഷാദ് ബാഖവി ചിറയിന്‍ കീഴ് മുഖ്യപ്രഭാഷണം നടത്തും. ഖാസി. സി. മുഹമ്മദ് മുസ്്‌ലിയാര്‍, സി.എ.എം.എ കരീം, അന്‍വരിയ്യ വൈസ്. പ്രിന്‍സിപ്പല്‍ അഷ്‌റഫ് അന്‍വരി പൈങ്കണ്ണിയൂര്, അബൂബക്കര്‍ കുഴിപ്പുറത്ത് സംസാരിക്കും. തിങ്കളാഴ്ച്ച കാലത്ത് പത്ത് മണിക്ക് മൗലിദ് പാരായണവും ജാതിമതഭേദമന്യ ആയിരങ്ങള്‍ക്ക് അന്നദാനവും നടത്തും. പാണക്കാട് സയ്യിദ് നാസര്‍ ഹയ്യ് ശിഹാബ് തങ്ങള്‍, സയ്യിദ് ഇമ്പിച്ചിക്കോയ തങ്ങള്‍ കൊടക്കാട് മൗലിദ് പാരായണത്തിന് നേതൃത്വം നല്‍കും.