അമ്പലപ്പുഴ: ബൈക്കില്‍ വടിവാളുമായി സഞ്ചരിച്ച രണ്ട് യുവാക്കള്‍ അറസ്റ്റില്‍. അമ്പലപ്പുഴ തെക്ക് ഗ്രാമപഞ്ചായത്ത്  കോമന പുതുവല്‍ വീട്ടില്‍  വൈശാഖ് (20) പുതുവലില്‍ സുബിന്‍ ബാബു (25) എന്നിവരെയാണ് അമ്പലപ്പുഴ എസ്.ഐ പ്രജീഷ് കുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ഇന്നലെ അമ്പലപ്പുഴ പായല്‍ കുളങ്ങര ഭാഗത്ത് വച്ച് വാഹന പരിശോധനയ്ക്കിടയിലാണ് 3 വടിവാളുമായി ബൈക്കില്‍ സഞ്ചരിച്ച ഇവര്‍ അറസ്റ്റിലായത്. അമ്പലപ്പുഴ കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.