തിരുവനന്തപുരം: സംസ്ഥാനത്തിന്റെ സ്വന്തം മെഗാ തുറമുഖമായി അഴീക്കലിനെ വികസിപ്പിക്കുന്നതിനുള്ള പ്രവര്‍ത്തനങ്ങള്‍ 2020ല്‍ പൂര്‍ത്തിയാകും. മുഖ്യമന്ത്രിയുടെ അധ്യക്ഷതയില്‍ നടന്ന ഉന്നതതല യോഗത്തിലാണ് തീരുമാനം. രണ്ട് ഘട്ടങ്ങളിലായാണ് വികസന പ്രവര്‍ത്തനങ്ങള്‍. ഒന്നാംഘട്ടം 2019ലും രണ്ടാംഘട്ടം 2020ലും പൂര്‍ത്തിയാകും. 14.5 മീറ്റര്‍ ആഴവും എട്ട് മുതല്‍ 10 വരെ ബര്‍ത്തുകളുമുള്ള മെഗാ തുറമുഖമാണ് ലക്ഷ്യം. യോഗത്തില്‍ മന്ത്രി രാമചന്ദ്രന്‍ കടന്നപ്പളളി, തുറമുഖ വകുപ്പ് പ്രിന്‍സിപ്പല്‍ സെക്രട്ടറി ജയിംസ് വര്‍ഗീസ,് തുറമുഖ ഡയറക്ടര്‍ അജിത് പാട്ടീല്‍, ഹാര്‍ബര്‍ എന്‍ജിനിയറിങ് വകുപ്പ് ചീഫ് എന്‍ജിനിയര്‍ അനില്‍ കുമാര്‍, വിഴിഞ്ഞം തുറമുഖ മാനേജിങ് ഡയറക്ടര്‍ ഡോ. ജയകുമാര്‍ പങ്കെടുത്തു.