പെഷവാര്‍: പാകിസ്താനില്‍ ശക്തമായ മഴയില്‍ 20 പേര്‍ മരിച്ചു. വീടുകള്‍ തകര്‍ന്ന് ഒട്ടേറെ പേര്‍ക്ക് പരുക്കേറ്റു. വ്യാഴാഴ്ച മുതല്‍ അഫ്ഗാന്‍ അതിര്‍ത്തിയിലേക്ക് മഴ വ്യാപിച്ചിട്ടുണ്ട്. മരിച്ചവരില്‍ 14 കുട്ടികള്‍ ഉള്‍പ്പെടെ 17 പേര്‍ വടക്കുപടിഞ്ഞാറന്‍ ഖൈബര്‍ പ്രവിശ്യയിലും മൂന്ന് പേര്‍ തെക്കു പടിഞ്ഞാറന്‍ ബലൂചിസ്ഥാനിലുമാണെന്ന് ദേശീയ ദുരന്ത നിവാരണ അതോറിറ്റി സ്ഥിരീകരിച്ചു. പാക് അധീന കശ്മീരില്‍ അന്‍പതോളം വീടുകളാണ് മഴയില്‍ തകര്‍ന്നത്. ശക്തമായ മഞ്ഞുവീഴ്ചയില്‍ ഒട്ടേറെ റോഡുകളില്‍ ഗതാഗതം സ്തംഭിച്ചു. വരുംദിവസങ്ങളില്‍ മഴ കൂടുതല്‍ ശക്തമാകുമെന്നാണ് റിപ്പോര്‍ട്ട്.