എടവണ്ണപ്പാറ: കഞ്ചാവ് വില്‍പനയ്ക്കിടെ വാഴയൂര്‍ അങ്ങാടിയില്‍നിന്നു രണ്ടു പേരെ വാഴക്കാട് പൊലിസ്് പിടികൂടി. രഹസ്യവിവരത്തെ തുടര്‍ന്നു വാഴക്കാട് എസ്.ഐ ബി. സന്തോഷിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതികളെ പിടികൂടിയത്.
പ്രതികളില്‍നിന്ന് 2.70 കിലോ കഞ്ചാവ് പിടികൂടിയിട്ടുണ്ട്. ഇടുക്കി സ്വദേശി കൃഷ്ണന്‍ (62), വെസ്റ്റ് ബംഗാള്‍ പരക്ക്പൂര്‍ സ്വദേശി ചന്തുബിശ്വാസ് (24) എന്നിവരെയാണ് പിടികൂടിയത്. ബംഗാള്‍ സ്വദേശി പൊലിസിനെ ഭയന്ന് ഓടിരക്ഷപ്പെടാന്‍ ശ്രമിച്ചെങ്കിലും പിന്തുടര്‍ന്നു പിടികൂടുകയായിരുന്നു. വിദ്യാര്‍ഥികകളെ കേന്ദ്രീകരിച്ച് ലഹരി വില്‍പനയായിരുന്നു ഇവരുടെ ലക്ഷ്യമെന്നു പൊലിസ് പറഞ്ഞു. പ്രതികള്‍ക്കെതിരേ കേസ് രജിസ്റ്റര്‍ ചെയ്തു. ഉദ്യോഗസ്ഥരായ രതീഷ്, ഋഷികേശ്, അജിത്ത്, ഷിബിന എന്നിവര്‍ നേതൃത്വം നല്‍കി.