ഗൂഡല്ലൂര്‍: വിവിധ ആവശ്യങ്ങള്‍ ഉന്നയിച്ച് ഗൂഡല്ലൂര്‍ ബസ്സ്റ്റാന്‍ഡിന് മുമ്പില്‍ ഊട്ടി-മൈസൂര്‍ ദേശീയ പാത ഉപരോധിക്കാന്‍ ശ്രമിച്ച 270 സര്‍ക്കാര്‍ ജീവനക്കാരെ അറസ്റ്റു ചെയ്തു.
എ.ഡി.എസ്.പി ചിന്നതമ്പി, ഡി.വൈ.എസ്.പി ജയസിങ് എന്നിവരുടെ നേതൃത്വത്തിലുള്ള പൊലിസ് സംഘമാണ് ഇവരെ അറസ്റ്റു ചെയ്തത്. പുതിയ പെന്‍ഷന്‍ പദ്ധതി റദ്ദാക്കുക, പഴയ പെന്‍ഷന്‍ പദ്ധതി നടപ്പിലാക്കുക തുടങ്ങിയ ഒമ്പത് ഇന ആവശ്യങ്ങള്‍ ഉന്നയിച്ചാണ് സര്‍ക്കാര്‍ ജീവനക്കാര്‍ സമരം നടത്തുന്നത്. അതേസമയം സമരത്തിന് നേതൃത്വം നല്‍കിയ 60 പേരെ അറസ്റ്റു ചെയ്ത് ഗൂഡല്ലൂര്‍ കോടതിയില്‍ ഹാജരാക്കി പതിനഞ്ച് ദിവസത്തേക്ക് റിമാന്‍ഡ് ചെയ്തു. സമരത്തിന് ശാശ്വത പരിഹാരം കാണണമെന്നാവശ്യപ്പെട്ട് ഊട്ടി ഗവ. കോളജ് വിദ്യാര്‍ഥികള്‍ കോളജിന് മുമ്പില്‍ സമരം നടത്തി. സമരക്കാരെ പൊലിസ് അറസ്റ്റു ചെയ്തു നീക്കി.