തൃശ്ശൂര്‍: എസ്.എസ്.എല്‍.സി പരീക്ഷ എഴുതുന്നതിനിടെ വിദ്യാര്‍ഥിക്ക് തെരുവുനായയുടെ കടിയേറ്റു. തൃശൂര്‍ ചെറുതുരുത്തി കുളമ്പുമുക്ക് സ്വദേശിയായ ഹംസ എന്ന വിദ്യാര്‍ഥിക്കാണ് കടിയേറ്റത്. ചെറുതുരുത്തി സര്‍ക്കാര്‍ ഹയര്‍ സെക്കന്‍ഡറി സ്‌കൂളിലാണ് സംഭവം.

പരീക്ഷ ആരംഭിച്ച് അല്‍പസമയം കഴിഞ്ഞാണ് തെരുവുനായ വാതിലിലൂടെ പരീക്ഷാ ഹാളിലേക്ക് കയറിയത്. വാതിലിനോട് ചേര്‍ന്ന് ഇരിക്കുന്ന ഹംസയുടെ കൈക്കാണ് കടിയേറ്റത്. ഉടന്‍ സ്‌കൂള്‍ പ്രിന്‍സിപ്പളും, മറ്റ് അധ്യാപകരും എത്തി നായയെ ഓടിക്കുകയും വാതില്‍ അടയ്ക്കുകയും ചെയ്തു.വിദ്യാര്‍ഥിയെ ഉടന്‍ തന്നെ സമീപത്തെ പ്രാഥമികാരോഗ്യ കേന്ദ്രത്തിലെത്തച്ച് ചികിത്സ നല്‍കിയ ശേഷം പരീക്ഷാ ഹാളിലെത്തിച്ചു.