കോട്ടയം: ജില്ലയില്‍ പൊലിസിന്റെ വാഹന പരിശോധന കര്‍ശനമാകുന്നു. കഴിഞ്ഞ ദിവസം നടത്തിയ വാഹനപരിശോധനയില്‍ 351 സ്‌കൂള്‍ വാഹനങ്ങള്‍ പരിശോധിച്ചു.
മദ്യപിച്ച് വാഹനമോടിച്ച ഒരാള്‍ക്കെതിരേ കേസെടുത്തു. യൂനിഫോം ധരിക്കാത്തതിന് 34 പേര്‍, ബ്രേക്ക് ലൈറ്റ് ഇല്ലാത്തതിനു നാലു പേര്‍, ഇന്‍ഡിക്കേറ്റര്‍ ഇല്ലാത്തതിനു ആറു പേര്‍, ഇടതുവശത്തുകൂടി ഓവര്‍ടേക്ക്് ചെയ്ത അഞ്ചു പേര്‍, അപകടകരമായി വാഹനമോടിച്ചതിനു അഞ്ചു പേര്‍, അമിത വേഗത്തിനു അഞ്ചു പേര്‍ എന്നിവര്‍ക്കെതിരേ നിയമനടപടി സ്വീകരിച്ചു.
 65 ആംബുലന്‍സുകള്‍ പരിശോധിക്കുകയും ഒരു ആംബുലന്‍സ് ഡ്രൈവര്‍ക്കെതിരേ മദ്യപിച്ച് വാഹനമോടിച്ചതിനു കേസ് രജിസ്റ്റര്‍  ചെയ്യതു.
കൂടാതെ റോഡ് സൈഡുകളില്‍ കാല്‍നടയാത്രക്കാര്‍ക്കു ബുദ്ധിമുട്ടുണ്ടാകുന്ന വിധം വാഹനങ്ങള്‍ പാര്‍ക്കു ചെയ്തതിനു 121 പേര്‍ക്കെതിരേയും നിയമനടപടി സ്വീകരിച്ചു.