ചാരുംമൂട്: നൂറനാട് ലെപ്രസി സാനിട്ടോറിയം താലൂക്ക് ആശുപത്രിയായി ഉയര്‍ത്തണമെന്ന ആവശ്യം വീണ്ടും ഉയരുന്നു.
ആലപ്പുഴ,പത്തനംതിട്ട,കൊല്ലം ജില്ലകളുടെ അതിര്‍ത്തി പ്രദേശത്ത് സ്ഥിതിചെയ്യുന്ന സര്‍ക്കാര്‍ ആശുപത്രിയായ ഇവിടെ സാധാരണക്കാരായ നൂറുകണക്കിനു  പേരാണു ചികിത്സ തേടി എത്തുന്നത്.
ഇവിടുള്ളവര്‍ വിദഗ്ദ ചികല്‍സക്കായി കിലോമീറ്ററുകള്‍ ദൂരം താണ്ടി അടൂര്‍,മാവേലിക്കര,കായംകുളം എന്നിവടങ്ങളിലെ സര്‍ക്കാര്‍ താലൂക്ക് ആശുപ്ത്രിയെയാണു  ആശ്രയിക്കുന്നത്.സാനിട്ടോറിയത്തിലെ നിലവിലുള്ള ആശുപത്രി താലൂക്ക് ആശുപത്രിയായി ഉയര്‍ത്തുവാനുള്ള സ്ഥല സൗകര്യങ്ങള്‍ ഇപ്പോള്‍ തന്നെയുണ്ട്.
താലൂക്ക് ആശുപത്രിയായി സാനിട്ടോറിയത്തെ ഉയര്‍ത്തണമെന്നാവിശ്യപ്പെട്ട് വ്യാപാരി വ്യവസായി ഏകോപന സമിതി പാലമേല്‍ യൂനിറ്റ് ഭാരവാഹികള്‍  മുഖ്യമന്ത്രിക്ക് നിവേദനം നല്‍കിയിരുന്നു.
ഇതിനു പിന്തുണയുമായി വിവിധ രാഷ്ട്രീയ സാമൂഹിക സാംസ്‌ക്കാരിക സംഘടനകളും മുന്നോട്ട് വന്നിട്ടുണ്ട്.ചുനക്കര,താമരക്കുളം,നൂറനാട്,പാലമേല്‍,വള്ളികുന്നം പഞ്ചായത്തുകളിലെ ജനങ്ങള്‍ക്കും ഉപകാരപ്രധമായ ഈ ആവിശ്യം അടിയന്തിരമായി നടപ്പിലാക്കണമെന്നാണു ആവശ്യം.