മണ്ണാര്‍ക്കാട്: ലോക വനിതാ ദിനാഘോഷത്തോടനുബന്ധിച്ച് കുമരംപുത്തൂര്‍ ഗ്രാമപഞ്ചായത്തിന്റെ ആഭിമുഖ്യത്തില്‍ പെണ്ണായി പിറന്നതില്‍ അഭിമാനിക്കൂ എന്ന വിഷയത്തില്‍ സെമിനാര്‍ നടത്തി. സൈലന്റ്‌വാലി വൈല്‍ഡ് ലൈഫ് വാര്‍ഡന്‍ ശില്പ.വി.കുമാര്‍ ഐ.എഫ്.എസ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ഹുസൈന്‍ കോളശ്ശേരി അധ്യക്ഷത വഹിച്ചു. സ്ത്രീ സുരക്ഷാ എന്ന വിഷയത്തില്‍ സാഹിത്യകാരന്‍ കെ.പി.എസ് പയ്യനെടം മുഖ്യപ്രഭാഷണം നടത്തി. സഫലം ചാരിറ്റബിള്‍ സൊസൈറ്റി സെക്രട്ടറി അഞ്ജന.എസ് വിഷയാവതരണം നടത്തി. ഗ്രാമപഞ്ചായത്ത് വൈസ് പ്രസിഡന്റ് വി.ഉഷ,സ്റ്റാന്റിങ് കമ്മിറ്റി ചെയര്‍മാന്‍മാരായ മുസ്തഫ വറോടന്‍, കെ.പി ഹംസ, മഞ്ജുതോമസ്, പഞ്ചായത്തംഗങ്ങളായ കെ.പി റംല, എം. ഫസീല, ജോസ് കൊല്ലിയില്‍, എം. മുഹമ്മദാലി, എ.കെ അബ്ദുല്‍ അസീസ്, രുഗ്മിണി, ശ്രീകല, എന്‍.ദയാനന്ദന്‍, സിന്ധു വിശ്വംഭരന്‍, ജംഷീല, ക്ലബ്ബ് കോഓര്‍ഡിനേഷന്‍ കമ്മിറ്റി ചെയര്‍മാന്‍ അബു വറോടന്‍, ഗ്രാമപഞ്ചായത്ത് അസി.സെക്രട്ടറി മധു, റംല സംബന്ധിച്ചു.