കൊടുങ്ങല്ലൂര്‍: പ്രായപൂര്‍ത്തിയാകാത്ത ആണ്‍കുട്ടികളെ രണ്ട് വര്‍ഷത്തോളം പ്രകൃതി വിരുദ്ധ പീഡനത്തിന് ഇരയാക്കിയ അയല്‍വാസിയെ പൊലിസ് അറസ്റ്റ് ചെയ്തു. പുല്ലൂറ്റ് വിളക്കത്തറ അനൂപി (35)നെയാണ് കൊടുങ്ങല്ലൂര്‍ പൊലിസ് അറസ്റ്റ് ചെയ്തത്. പത്തും പതിനൊന്നും വയസ്സുള്ള രണ്ട് ആണ്‍കുട്ടികളെ  ഇയാള്‍ തുടര്‍ച്ചയായി പീഡിപ്പിച്ചിരുന്നതായി പൊലിസ് പറഞ്ഞു. ഇക്കഴിഞ്ഞ ദിവസം ഇയാള്‍ അകാരണമായി ഉപദ്രവിച്ചതിനെ തുടര്‍ന്ന് കുട്ടികള്‍ വീട്ടുകാരോട് സംഭവം തുറന്ന് പറയുകയായിരുന്നു. പോക്‌സോ വകുപ്പ് പ്രകാരം കേസെടുത്ത ഇയാളെ വ്യാഴാഴ്ച്ച തൃശൂര്‍ അഡീഷണല്‍ സെഷന്‍സ് കോടതിയില്‍ ഹാജരാക്കും. സര്‍ക്കിള്‍ ഇന്‍സ്‌പെക്ടര്‍ പി.സി ബിജുകുമാര്‍ ,എസ്.ഐ ഇ.ആര്‍ ബൈജു, എ.എസ്.ഐ പി.ജെ ഫ്രാന്‍സിസ് ,സന്തോഷ് ,ജോസഫ് ,സഞ്ജയന്‍ ,സുനില്‍ കുമാര്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.