കൊച്ചി: ഇറ്റലിയിലെ റോമില്‍ കുടുങ്ങിയ ഇന്ത്യക്കാരുടെ ആദ്യ സംഘം കൊച്ചിയിലെത്തി. 21 പോരുമായാണ് ആദ്യവിമാനം നെടുമ്പാശേരിയിലിറങ്ങിയത്. കൊവിഡ് 19 ന്റെ പശ്ചാത്തലത്തില്‍ ഇവരെ ആലുവയിലെ ആശുപത്രിയിലേക്ക് നിരീക്ഷണത്തിനായി മാറ്റിയിട്ടുണ്ട്.

രാവിലെ എട്ടു മണിയോടെയാണ് ഇവര്‍ നെടുമ്പാശേരിയില്‍ എത്തിയത്. ഇന്ത്യയില്‍ നിന്നും പോയ മെഡിക്കല്‍ സംഘം പരിശോധിച്ച ശേഷം രോഗബാധയില്ലെന്ന് സ്ഥിരീകരിച്ച ശേഷമാണ് ഇവരെ നാട്ടിലേക്ക് എത്തിച്ചത്.

അതേസമയം, ഇറ്റലിയിലെ മിലനില്‍ കുടുങ്ങിക്കിടക്കുന്നവരെ നാട്ടിലെത്തിക്കുന്ന കാര്യത്തില്‍ അനിശ്ചിതത്വം തുടരുകയാണ്.