ന്യൂയോർക്ക്: ലോക ബ്ലിറ്റ്സ് ചാമ്പ്യൻഷിപ്പിൽ സംയുക്തജേതാക്കളായി മാഗ്നസ് കാൾസണും ഇയാൻ നെപോംനിയാച്ചിയും. ലോക ചെസ് ബ്ലിറ്റ്സ് ചാമ്പ്യൻഷിപ്പിന്റെ ചരിത്രത്തിൽ ഇതാദ്യമായാണ് ഇത്തരത്തിൽ രണ്ട് താരങ്ങൾ കിരീടം പങ്കുവെക്കുന്നത്. ന്യൂയോർക്കിൽ നടന്ന മത്സരത്തിൽ മാഗ്നസ് കാൾസണും ഇയാൻ നെപോംനിയാച്ചിയും അവസാന റൗണ്ട് വരെ നീണ്ടുനിന്ന പോരാട്ടം സമനിലയിൽ അവസാനിക്കുകയായിരുന്നു. ഇതിനു പിന്നാലെയാണ് ഈ ചരിത്രസംഭവം കായിക ലോകത്തിൽ സംഭവിച്ചത്. 

ആദ്യ നാല് ഗെയിമുകളിൽ ഇരുതാരങ്ങളും രണ്ട് വീതം മത്സരങ്ങളും വിജയിച്ചുകൊണ്ട് തുല്യത പാലിക്കുകയായിരുന്നു. ഒടുവിൽ മത്സരം ടൈം ബ്രെക്കറിലേക്ക് നീങ്ങുകയായിരുന്നു. ടൈം ബ്രെക്കറിലെ മൂന്ന് മത്സരങ്ങളും സമനില ആവുകയായിരിക്കുന്നു. ഇതോടെ കാൾസൺ നെപോംനിയാച്ചിട് കിരീടം പങ്കുവയ്ക്കാൻ ആവശ്യപ്പെടുകയും ഇരുവരും വിജയിക്കുകയുമായിരുന്നു. തന്റെ എട്ടാം ലോക ബ്ലിറ്റ്സ് കിരീടം ആണ് കാൾസൺ സ്വന്തമാക്കിയത്. ഇയാൻ നെപോംനിയാച്ചി തന്റെ ആദ്യ ലോക ബ്ലിറ്റ്സ് കിരീടവും ഇതിലൂടെ സ്വന്തമാക്കി.