കൊവിഡ് ഭീതിയില്‍ ബ്രിട്ടണിലെ എലിസബത്ത് രാജ്ഞിയെ ലണ്ടനിലെ ബക്കിങ്ഹാം പാലസില്‍ നിന്നു മാറ്റി. വിന്‍ഡ്‌സോര്‍ കാസിലേക്കാണ് ഇവരെ മാറ്റിയത്. രാജ്യത്ത് കൊവിഡ് മരണം 21 ആയി ഉയര്‍ന്ന സാഹചര്യത്തില്‍ 70 ന് മുകളില്‍ പ്രായമുള്ളരെ ഐസൊലേറ്റ് ചെയ്യുന്നതിന്റെ ഭാഗമായാണ് നടപടി. 93കാരിയായ രാജ്ഞിയെയും ഭര്‍ത്താവ് 98കാരനായ ഫിലിപ്പിനെയും രണ്ടാഴ്ച്ചത്തെ നിരീക്ഷണത്തിനായി നോര്‍ഫോല്‍ക് സാന്‍ഡ്രിങ്ഹാം എസ്റ്റേറ്റിലേക്ക് മാറ്റുമെന്നാണ് സൂചന.