ന്യൂ ഡല്‍ഹി: ഏകദിന റാങ്കിങ്ങില്‍ ഇന്ത്യന്‍ വനിതാ താരം സ്മൃതി മന്ദാന ഒന്നാം സ്ഥാനത്ത്. ഐ. സി. സി പുറത്ത് വിട്ട പുതിയ പട്ടികയിലാണ് രണ്ട് സ്ഥാനങ്ങള്‍ മെച്ചപ്പെടുത്തി മന്ദാന ഒന്നാം സ്ഥാനം കരസ്ഥമാക്കിയത്.

ന്യൂസിലന്‍ഡുമായുള്ള ഏകദിന പരമ്പരയില്‍ മികച്ച പ്രകടനം നടത്തിയതിനെ തുടര്‍ന്നാണ് മന്ദാന ഒന്നാം നമ്പര്‍ നേട്ടം സ്വന്തമാക്കിയിട്ടുള്ളത്.
ആസ്‌ത്രേലിയന്‍ താരങ്ങളായ എല്ലിസ് പെറി, മെഗ് ലെന്നിങ് എന്നിവരെയാണ് മന്ദാന പിറകിലാക്കിയിട്ടുള്ളത്. 2018 ല്‍ 15 മത്സരങ്ങളില്‍ നിന്നായി എട്ട് അര്‍ധ സെഞ്ചുറിയും രണ്ട് സെഞ്ചുറികളും മന്ദാന സ്വന്തമാക്കിയിട്ടുണ്ട്. ദക്ഷിണാഫ്രിക്കന്‍ താരമായ ലസല്ലേ ലി, ഇംഗ്ലണ്ട് താരമായ സ്റ്റഫിന്‍ ടെയ്‌ലര്‍ എന്നിവര്‍ ആദ്യ പത്തിലേക്ക് മുന്നേറുകയും ചെയ്തു.
ഇന്ത്യന്‍ വനിതാ നിരയിലെ പുതുമുഖ താരമായ ജമിമ റോഡ്രിഗസ് 61-ാം സ്ഥാനത്തെത്തി. ഇന്ത്യക്കായി ഏഴ് ഏകദിനങ്ങള്‍ മാത്രം കളിച്ച താരം കഴിഞ്ഞ വര്‍ഷം അവസാനത്തിലായിരുന്നു ഇന്ത്യക്കായി അരങ്ങേറ്റം കുറിച്ചത്.