കാഞ്ഞങ്ങാട്: ജംഇയ്യത്തുല്‍ മുഅല്ലിമിന്‍ ജില്ലാ സൗത്ത് സോണ്‍ കലാ മത്സരത്തിന് കാഞ്ഞങ്ങാട് മീനാപ്പീസ് നജാത്തുല്‍ ഇസ്‌ലാം മദ്‌റസയില്‍ പ്രഢോജലമായ തുടക്കം. പള്ളിക്കര, അജാനൂര്‍, കാഞ്ഞങ്ങാട്, നീലേശ്വരം,പരപ്പ, കള്ളാര്‍, പെരുമ്പട്ട, ചെറുവത്തൂര്‍, തൃക്കരിപ്പൂര്‍ റെയ്ഞ്ചുകളടങ്ങിയ മത്സരമാണ് നടക്കുന്നത്.  എഴുന്നൂറോളം വരുന്ന വിദ്യാര്‍ഥികളും അധ്യാപകരും സബ്ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍, മുഅല്ലിം വിഭാഗങ്ങളിലായി അറുപതിലേറെ ഇനങ്ങളില്‍ മാറ്റുരക്കും. സമസ്ത കേരള മദ്‌റസ മാനേജ്‌മെന്റ് സംസ്ഥാന വൈസ് പ്രസിഡന്റ് മെട്രൊ മുഹമ്മദ് ഹാജി ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമിന്‍ ജില്ലാ പ്രസിഡന്റ് ടി.പി അലി ഫൈസി അധ്യക്ഷനായി. മീനാപ്പീസ് ജമാഅത്ത് ഖത്തീബ് ശാക്കിര്‍ ദാരിമി പ്രാര്‍ഥന നടത്തി. സ്വാഗതം സംഘം ചെയര്‍മാന്‍ കെ. ബി. കുട്ടി ഹാജി പതാക ഉയര്‍ത്തി. ഹുസൈന്‍ തങ്ങള്‍ മാസ്തികുണ്ട് സംവിധാനങ്ങളെ സംബന്ധിച്ച് വിശദീകരിച്ചു. ജമാഅത്ത് സെക്രട്ടറി എ. കുഞ്ഞബ്ദുല്ല ഹാജി, കെ.ടി അബ്ദുറഹ്മാന്‍ ഹാജി, ഹബീബ് ദാരിമി പെരുംബട്ട, അഷ്‌റഫ് ദാരിമി പള്ളങ്കോട്, പി. ഇസ്മാഈല്‍ മൗലവി, മുഹമ്മദ് ദാരിമി, കെ.കെ ജാഫര്‍, ഉമ്മര്‍ തൊട്ടി, കരീം അഷ്‌റഫി, മുബാറക് ഹസൈനാര്‍ ഹാജി, ഇസ്മാഈല്‍ സഈദി സംസാരിച്ചു.