ചെന്നൈ: മുന്‍ എം.പിയും മുതിര്‍ന്ന നേതാവുമായി കെ.എസ് അഴഗിരിയെ തമിഴ്‌നാട് കോണ്‍ഗ്രസ് അധ്യക്ഷനായി തെരഞ്ഞെടുത്തു. എ.ഐ.സി.സി ജനറല്‍ സെക്രട്ടറി കെ.സി വേണുഗോപാലാണ് അഴഗിരിയെ പാര്‍ട്ടി സംസ്ഥാന അധ്യക്ഷനായി പ്രഖ്യാപിച്ചത്. തിരുനാവക്കരശിനെ മാറ്റിയാണ് അഴഗിരിയെ നിയമിച്ചത്. എച്ച്. വസന്തകുമാര്‍, എം.കെ വിഷ്ണുപ്രസാദ്, കെ. ജയകുമാര്‍, മയൂര ജയകുമാര്‍ എന്നിവരെ വൈസ് പ്രസിഡന്റുമാരായും തെരഞ്ഞെടുത്തു. കഡലൂര്‍ മണ്ഡലത്തില്‍ നിന്നായിരുന്നു അഴഗിരി ലോക്‌സഭയിലേക്ക് തെരഞ്ഞെടുക്കപ്പെട്ടിരുന്നത്.