കോട്ടയം: പ്രതിച്ഛായ സാഹത്യ വേദി ഉദ്ഘാടനവും പുസ്തക പ്രകാശനവും കെ.എം മാണി എം.എല്‍.എ നിര്‍വഹിച്ചു.
സാഹത്യവേദി പ്രസിഡന്റ് കുര്യന്‍ കുമ്പളക്കുഴിയുടെ അധ്യക്ഷതയില്‍ നടന്ന ചടങ്ങില്‍ സാഹത്യവേദിയംഗം ചിന്നപ്പന്‍ കുറിച്ചിത്താനത്തിന്റെ പുസ്തകം ചിരിയുടെ ലോകം പ്രകാശനം ചെയ്തു. കോട്ടയം പ്രസ് ക്ലബ് ജേര്‍ണലിസം സ്‌കൂള്‍ ഡയറക്ടര്‍ തേക്കിന്‍കാട് ജോസഫ് ആദ്യ പ്രതി സ്വീകരിച്ചു.തുടര്‍ന്ന് ഏറ്റുമാനൂര്‍ കാവ്യവേദിയുടെ ഈ വര്‍ഷത്തെ പുരസ്‌കാരം നേടിയ വി.എം അനൂപിനെ കെ.എം മാണി എം.എല്‍.എ പൊന്നാടയണിയിച്ച് ആദരിച്ചു.
പ്രതിച്ഛായ ഹാളില്‍ നടന്ന പരിപാടിയില്‍ കഥാ- കവിതാ അവതരണവും ചര്‍ച്ചയും നടത്തി.സാഹത്യവേദി കണ്‍വീനര്‍ രാധാകൃഷ്ണ കുറുപ്പ് സ്വാഗതവും ഉണ്ണികൃഷ്ണന്‍ നന്ദിയും പറഞ്ഞു.