മൊഗര്‍: വീട്ടിലും യാത്രയിലും ആഘോഷങ്ങളിലും തമ്മില്‍ കണ്ടാല്‍ മിണ്ടാന്‍ സമയം കിട്ടാതെ മൊബൈലില്‍ തല കുനിച്ചിരിക്കുന്ന വര്‍ത്തമാനകാലത്ത് ഒരു സമൂഹത്തയാകെ മിണ്ടിയും പറയിച്ചും 'മുണ്ടാട്ടം'. മൊഗ്രാല്‍പുത്തൂര്‍ പഞ്ചായത്ത് ഗ്രാമോത്സവത്തിന്റെ ഭാഗമായി ഡിഫന്‍സ് മൊഗര്‍ സംഘടിപ്പിച്ച 'മുണ്ടാട്ടം' പരിപാടിയിലാണ് നാട്ടുകൂട്ടം മണിക്കൂറോളം മിണ്ടിയും പറഞ്ഞുമിരുന്നത്.
കുട്ടികളടക്കമുള്ളവര്‍ കളിയും ചിരിയുമായി മൊബൈല്‍ ഫോണ്‍ മാറ്റിവച്ച് പരിപാടിയില്‍ സ്വയം മറന്ന് പങ്കെടുത്തു. പുതുതലമുറയടക്കമുള്ളവരുടെ പഴമയിലേക്കുള്ള യാത്രയായിരുന്നു മുണ്ടാട്ടം.  പഴയ പാട്ടുകള്‍, കഥ, സംവാദം, കവിത എന്നിവയടക്കമുള്ള പരിപാടികള്‍ മുണ്ടാട്ടത്തിനെ ശ്രദ്ധേയമാക്കി. മൊഗ്രാല്‍പുത്തൂര്‍ പഞ്ചായത്ത് പ്രസിഡന്റ് എ.എ ജലീല്‍ പരിപാടി ഉദ്ഘാടനം ചെയ്തു. എ.ബി കുട്ടിയാനം, ഖയ്യൂം മാന്യ എന്നിവര്‍ മുഖ്യാതിഥികളായിരുന്നു.  സാമൂഹ്യ പ്രവര്‍ത്തകന്‍ മാഹിന്‍ കുന്നില്‍ ആമുഖ പ്രസംഗം നടത്തി. എം.എ നജീബ് മോഡറേറ്ററായിരുന്നു. കണ്ണൂര്‍ സര്‍വകലാശാല സെനറ്റ് അംഗമായി തെരെഞ്ഞെടുത്ത എ.എ ജലീലിന് ഡിഫന്‍സ് മൊഗറിന്റെ ഉപഹാരം എം.എസ് ഷെരീഫ് സമ്മാനിച്ചു. അബ്ബാസ് മൊഗര്‍, അംസു മേനത്ത്, കരീം മൊഗര്‍, അബു നവാസ്, അഹ്‌റാസ് കമ്പാര്‍, റഫീഖ്, ബദ്‌റുദ്ദീന്‍ കുന്നില്‍ സംസാരിച്ചു.