ന്യൂഡല്‍ഹി: മോദിയുമായി മുന്‍ പ്രധാനമന്ത്രി ഇന്ദിരാഗാന്ധിയെ താരതമ്യം ചെയ്യുന്നത് അവരെ അപമാനിക്കുന്നതിനു തുല്യമാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.
രാജ്യത്തെ ജനങ്ങളെ സ്‌നേഹിക്കുകയും പാവപ്പെട്ടവരുടെ ക്ഷേമത്തിനായി വിവിധ പദ്ധതികള്‍ ആസൂത്രണം ചെയ്യുകയും ചെയ്ത ഇന്ദിരാഗാന്ധിക്കു സമാനമായ പ്രധാനമന്ത്രിയാണ് മോദിയെന്നത് ആരും അംഗീകരിക്കില്ലെന്നും അദ്ദേഹം കൂട്ടിച്ചേര്‍ത്തു.
മോദിയുടെ പല തീരുമാനങ്ങളുമുണ്ടാക്കുന്നത് വെറുപ്പിന്റെയും വിദ്വേഷത്തിന്റെയും അടിസ്ഥാനത്തിലാണ്. രാജ്യത്തെ വിഭജിക്കുകയെന്നതാണ് അദ്ദേഹത്തിന്റെ നയം. പിന്നാക്കക്കാരോടും പാവങ്ങളോടും ഒരുതരത്തിലുമുള്ള സഹാനുഭൂതിയും വച്ചുപുലര്‍ത്താന്‍ മോദിക്ക് ഇതുവരെ കഴിഞ്ഞിട്ടില്ലെന്നും രാാഹുല്‍ ഗാന്ധി കുറ്റപ്പെടുത്തി.