മാനന്തവാടി: അനധികൃതമായി വിദേശ മദ്യം കടത്തിയ രണ്ടുപേര്‍ പിടിയില്‍.
അമ്പലവയല്‍ കാരാപ്പുഴ സ്വദേശികളായ പീറ്റര്‍, രാമചന്ദ്രന്‍ എന്നിവരാണ് വയനാട് എക്‌സൈസ് സ്‌പെഷല്‍ സ്‌ക്വാഡിന്റെ പിടിയിലായത്. ഇവരില്‍ നിന്ന് അര ലിറ്ററിന്റെ 32 കുപ്പി പുതുച്ചേരി നിര്‍മിത വിദേശമദ്യവും പിടിച്ചെടുത്തിട്ടുണ്ട്. വയനാട് എക്‌സൈസ് ഇന്റലിജന്റസ് നല്‍കിയ രഹസ്യ വിവരത്തിന്റെ അടിസ്ഥാനത്തില്‍ എക്‌സൈസ് സ്‌പെഷല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ ജിമ്മി ജോസഫും സംഘവും നടത്തിയ പരിശോധനയിലാണ് ഇവര്‍ അമ്പലവയലില്‍ വച്ച് പിടിയിലായത്. ഇന്റലിജന്റസ് പ്രിവന്റിവ് ഓഫിസര്‍ വി.ആര്‍ ബാബുരാജ്, പ്രിവന്റീവ് ഓഫിസര്‍ പി.കെ പ്രഭാകരന്‍, സിവിന്‍ എക്‌സൈസ് ഓഫിസര്‍മാരായ സി. മിഥുന്‍, എം. അനില്‍, എം. സുരേഷ്, വി. സുധീഷ് എന്നിവരുടെ നേതൃത്വത്തിലാണ് മദ്യം പിടികൂടിയത്.