HOME
DETAILS

മെഡിക്കല്‍ കോളജ് പരിസരത്ത് പൈപ്പ് പൊട്ടി ശുദ്ധജലം പാഴാവുന്നു

  
backup
March 08 2017 | 22:03 PM

%e0%b4%ae%e0%b5%86%e0%b4%a1%e0%b4%bf%e0%b4%95%e0%b5%8d%e0%b4%95%e0%b4%b2%e0%b5%8d%e2%80%8d-%e0%b4%95%e0%b5%8b%e0%b4%b3%e0%b4%9c%e0%b5%8d-%e0%b4%aa%e0%b4%b0%e0%b4%bf%e0%b4%b8%e0%b4%b0%e0%b4%a4-3

കോഴിക്കോട്: മാവൂര്‍ കൂളിമാട് പമ്പിംങ് സ്‌റ്റേഷനില്‍ നിന്നു നഗരത്തിലേക്ക് കുടിവെള്ളം എത്തിക്കുന്ന കുഴല്‍ പൊട്ടിയതിനാല്‍ ശുദ്ധജലം പാഴാകുന്നു. മെഡിക്കല്‍ കോളജ് പരിസരത്ത് ഗവ. ഡെന്റല്‍ കോളജിന് എതിര്‍വശത്ത് റോഡിനടിയിലാണ് പൈപ്പ് പൊട്ടിയത്. നിരവധി തവണ ജനങ്ങള്‍ ജല അതോറിറ്റിയെ അറിയിച്ചെങ്കിലും യാതൊരു നടപടിയും ഉണ്ടായിട്ടില്ല.
താഴ്ന്ന പ്രദേശമായ കൃഷിപ്പൊയില്‍ റസിഡന്‍സ് ഏരിയയിലൂടെ ഒഴുകുന്ന വെള്ളം കോവൂര്‍-പാലാഴി റോഡിന്റെ ഡ്രൈനേജിലൂടെ പെരിങ്കൊല്ലന്‍ തോട് വഴി മാമ്പുഴയിലാണ് എത്തിച്ചേരുന്നത്.
കുടിവെള്ള ക്ഷാമം രൂക്ഷമായതിനെത്തുടര്‍ന്ന് ജനങ്ങള്‍ നെട്ടോട്ടമോടുമ്പോള്‍ ദശലക്ഷക്കണക്കിന് ലിറ്റര്‍ വെള്ളമാണ് ഇവിടെ പാഴാകുന്നത്. പൊതുമരാമത്ത് വകുപ്പും ജല അതോറിറ്റിയും തമ്മിലുള്ള കിടമത്സരമാണ് മാസങ്ങളായിട്ടും ചോര്‍ച്ച നിര്‍ത്താന്‍ അധികൃതര്‍ തയാറാകാത്തതെന്ന് നാട്ടുകാര്‍ ആരോപിക്കുന്നു. കുടിവെള്ളം പാഴാകുന്നത് തടയാന്‍ അടിയന്തര നടപടി സ്വീകരിക്കണമെന്നാവശ്യപ്പെട്ട് സംസ്ഥാന വിവരാവകാശ പ്രവര്‍ത്തക സമിതി അംഗം കെ.പി അബ്ദുല്‍ ലത്തീഫ് ജില്ലാ കലക്ടര്‍ക്ക് പരാതി നല്‍കി.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."