തിരുവനന്തപുരം: ഹൃദയാഘാതത്തെ തുടർന്ന് ചികിത്സയിൽ കഴിയുന്ന മുൻ മുഖ്യമന്ത്രി വിഎസ് അച്യുതാനന്ദന്റെ ആരോഗ്യനിലയിൽ മാറ്റമില്ലാതെ തുടരുന്നു. മരുന്നുകൾക്ക് പ്രതികരണമുണ്ടെന്ന് മകൻ വിഎ അരുൺ കുമാർ അറിയിച്ചു. കഴിഞ്ഞ ദിവസം നടത്തിയ EEG പരിശോധനയിൽ തലച്ചോറിന്റെ പ്രവർത്തനത്തിൽ മെച്ചപ്പെടലുണ്ടെന്ന് ഡോക്ടർമാർ വിലയിരുത്തി.

നിലവിൽ തിരുവനന്തപുരം പട്ടം എസ് യു ടി ആശുപത്രിയിലെ ഐസിയുവിൽ വെന്റിലേറ്റർ സഹായത്തോടെയാണ് വിഎസിന്റെ ചികിത്സ. കാർഡിയോളജി, ന്യൂറോളജി തുടങ്ങിയ വിഭാഗങ്ങളിലെ വിദഗ്ധ ഡോക്ടർമാർ അദ്ദേഹത്തെ സസൂക്ഷ്മം നിരീക്ഷിക്കുന്നുണ്ട്. കഴിഞ്ഞ ദിവസം ആശുപത്രി അധികൃതർ മെഡിക്കൽ ബുള്ളറ്റിൻ പുറപ്പെടുവിച്ചിരുന്നില്ല. എന്നാൽ, ഇന്ന് മെഡിക്കൽ ബോർഡ് യോ​ഗം ചേർന്ന് ആരോ​ഗ്യസ്ഥിതി വിലയിരുത്തും. കഴിഞ്ഞ തിങ്കളാഴ്ചയാണ് ഹൃദയാഘാതത്തെ തുടർന്ന് വിഎസ് അച്യുതാനന്ദനെ ആശുപത്രിയിൽ പ്രവേശിപ്പിച്ചിത്

Former Kerala Chief Minister VS Achuthanandan's health remains stable but unchanged following a heart attack. He is under treatment in the ICU at SUT Hospital, Thiruvananthapuram, with ventilator support. A recent EEG showed improved brain function, and he is responding to medications. A medical board will meet today to further assess his condition.