പനമരം: ഓടികൊണ്ടിക്കെ ബ്രേക്ക് നഷ്ടപ്പെട്ട് നിയന്ത്രണം വിട്ട ജീപ്പിന്റെ മുകളില്‍ വച്ച സ്‌റ്റെപ്പിനി ടയര്‍ തെറിച്ച് മൂന്ന് സ്‌കൂള്‍ വിദ്യാര്‍ഥികള്‍ക്ക് പരുക്ക്. ഇന്നലെ കേണിച്ചിറ ബാങ്ക് കവലയിലാണ് സംഭവം. സ്‌കൂള്‍ കഴിഞ്ഞ് വീട്ടിലേക്ക് പോകുമ്പോഴാണ് അപകടം. സംഭവത്തില്‍ നടവയല്‍ സ്വദേശി മണിമല വിനോയ്, മകന്‍ ഡെവിന്‍, ഇരട്ടമുണ്ടക്കല്‍ നിഖില്‍, ചൂരനോയിക്കല്‍ വര്‍ഗീസിന്റെ മകന്‍ ജോസ്ഫിന്‍ എന്നിവര്‍ക്ക് പരുക്കേറ്റു.
ഗുരുതരമായി പരുക്കേറ്റ നിഖിലിനെ കോഴിക്കോട് മെഡിക്കല്‍ കോളജിലേക്ക് കൊണ്ടുപോയി. കേണിച്ചിറ ഇന്‍സന്റ് ജീസസ് ഇംഗ്ലീഷ് സ്‌കൂള്‍ വിദ്യാര്‍ഥികളാണ് കുടകില്‍ നിന്നും ഇഞ്ചി വിത്തുമായി ചീരാലിലേക്ക് പോകും വഴി കേണിച്ചിറയില്‍വച്ച് അപകടത്തില്‍പ്പെട്ടത്.