കാസര്‍കോട്: റെയില്‍വേ സ്റ്റേഷനില്‍ ഓട്ടോയുമായി എത്തിയ ഡ്രൈവറെ പൊലിസ് മര്‍ദിച്ചതായി പരാതി. നുള്ളിപ്പാടിയിലെ സതീഷ് ഗോപിയുടെ മകന്‍ എസ് ശൈലേഷി (40) നാണു മര്‍ദനമേറ്റത്. ഇയാളെ ജനറല്‍ ആശുപത്രിയില്‍ പ്രവേശിപ്പിച്ചു.
ചൊവ്വാഴ്ച രാത്രി എട്ടരയോടെ കാസര്‍കോട് റെയില്‍വേ സ്റ്റേഷനിലാണു സംഭവം. ഓട്ടോ ഡ്രൈവറെ മര്‍ദിച്ചതില്‍ പ്രതിഷേധിച്ച് ഓട്ടോറിക്ഷാ തൊഴിലാളികള്‍ നഗരത്തില്‍ പ്രകടനം നടത്തി.