ബംഗളൂരു: ഇന്ത്യന്‍ സൂപ്പര്‍ ലീഗില്‍ ബ്ലാസ്റ്റേഴ്‌സിന് കലികാലം തന്നെ. ആദ്യപകുതി അവിശ്വസനീയ പ്രകടനവുമായി മുന്നേറിയ ടീം സമനിലയില്‍ തന്നെ ചെന്നുനിന്നു.

ബ്ലാസ്‌റ്റേഴ്‌സിനു വേണ്ടി സ്ലാവിസ സ്‌റ്റോയനോവിച്ച് (16പെനാല്‍റ്റി) പെക്കൂസണ്‍ (40) എന്നിവര്‍ നേടിയ ഗോളിലാണ് ലീഡ് സ്വന്തമാക്കിയത്. എന്നാല്‍ രണ്ടാം പകുതിയില്‍ കളിയുടെ ഭാവംമാറ്റി ബംഗളൂരുകളം നിറഞ്ഞതോടെ ബ്ലാസ്റ്റേഴ്‌സ് കൊടുത്തത് തിരികെ തന്നെ വാങ്ങി വെച്ചു സമനിലക്ക് കളമൊരുക്കി.

മല്‍സരത്തില്‍ ഗോളെന്നുറപ്പിച്ച നാല് അവസരങ്ങളാണ് നിര്‍ഭാഗ്യം കൊണ്ട് ബ്ലാസ്റ്റേഴ്‌സിനു നഷ്ട്മായത്. രണ്ടാം പകുതിയില്‍ പലസമയങ്ങളിലയി കൊണ്ടു കയ്യാങ്കളിയിലെക്കും നീങ്ങുന്ന സ്ഥിതിയിലായിരുന്നു.

69ാം മിനിറ്റില്‍ ഉദാന്ത സിങ്ങിലൂടെ ബെംഗളൂരു ഒരു ഗോള്‍ തിരിച്ചടിക്കുകയും അടുത്ത ഊഴം സൂപ്പര്‍ താരം സുനില്‍ ഛേത്രി നിശ്ചിത സമയത്തിന് അഞ്ച് മിനിറ്റ് ബാക്കിയിരിക്കെയാണ് സാകോര്‍ ചെയ്തത്. 14 മത്സരങ്ങളില്‍ 31 പോയിന്റുമായി ബംഗളൂരു
ഒന്നാം സ്ഥാനത്ത് തുടരുകയാണ്.