കൊച്ചി: നെടുമ്പാശേരി വിമാനത്താവളത്തില്‍ കൊവിഡ് 19 പരിശോധനയുമായി സഹകരിക്കാത്ത യാത്രക്കാരനെ അറസ്റ്റ് ചെയ്തു. എറണാകുളം സ്വദേശി ലാമി അറയ്ക്കലാണ് അറസ്റ്റിലായത്.

ചെന്നൈയില്‍ നിന്നും എത്തിയ ഇദ്ദേഹത്തിന് ആരോഗ്യപ്രവര്‍ത്തകര്‍ മാസ്‌ക് നല്‍കിയപ്പോള്‍ അത് ധരിക്കാതെ വലിച്ചെറിഞ്ഞ് പുറത്തേക്ക് കടക്കാന്‍ ശ്രമിച്ചു. തുടര്‍ന്ന് പൊലിസ് ഇയാളെ ബലം പ്രയോഗിച്ച് മറ്റ് യാത്രക്കാരില്‍ നിന്നും അകറ്റി സ്‌റ്റേഷനിലേക്ക് കൊണ്ടുപോയി അറസ്റ്റ് രേഖപ്പെടുത്തുകയായിരുന്നു.