കാഞ്ഞാണി :മണലൂരില്‍  പന്ത്രണ്ടുകാരിക്ക് പീഡനം. സംഭവത്തില്‍ 47കാരന്‍ പൊലിസ് കസ്റ്റഡിയില്‍. നാട്ടുകാരനായ ഇയാള്‍ രണ്ട് വര്‍ഷം മുമ്പ് കുട്ടിയെ പീഡിപ്പിച്ചുവത്രെ. കഴിഞ്ഞ ദിവസം വീണ്ടും പീഡിപ്പിക്കാന്‍ ശ്രമിക്കുക യായിരുന്നു. ഇതോടെ കുട്ടി സ്‌കൂള്‍ അധ്യാപികയോട് വിവരം പറയുകയുകയായിരുന്നു. രണ്ട് വര്‍ഷം മുമ്പ് നടന്ന സംഭവം കൂടി അധ്യാപകരോട് ബാലിക വെളിപ്പെടുത്തുകയായിരുന്നുവെന്ന് അറിയുന്നു. അധ്യാപകര്‍ കുട്ടിയുടെ അമ്മയെ അറിയിക്കുകയും അമ്മയുടെ പരാതിയില്‍ അന്തിക്കാട് പൊലിസ് പ്രതിയെ കസ്റ്റഡിയിലെടുത്ത് ചോദ്യം ചെയ്തുവരുന്നു. ഇരിങ്ങാലക്കുട ഡി.വൈ.എസ്.പിക്കാണു അന്വേഷണച്ചുമതല. അറസ്റ്റ് ഇന്നുണ്ടായേക്കും.