കൽപ്പറ്റ: ഉരുളെടുത്ത നാട്ടിൽ നിന്നും തനിക്ക് ലഭിച്ച മെഡലുകൾ കാണിച്ച് സനൂപ് ചന്ദ്രൻ സർക്കാരിനോട് ചോദിക്കുകയാണ് തനിക്കുമൊരു ജോലി നൽകാമോ എന്ന്. ഫുട്‌ബോളിൽ നിരവധി നേട്ടങ്ങൾ കരസ്ഥമാക്കിയ സനൂപ് സർക്കാർ തന്നെ പരിഗണിക്കുമെന്ന പ്രതീക്ഷയിലാണ്. ചൂരൽമലയിലെ പുതിയ വില്ലേജ് റോഡിലാണ് സനൂപിന്റെ വീട്. ഇവിടെ നിന്നും അണ്ടർ19 ഇന്ത്യൻ ടീമിൽ വരെയെത്തി ആദിദ്രാവിഡ സമൂഹത്തിൽ നിന്നുള്ള സനൂപ്. വളാഞ്ചേരി എം.ഇ.എസ് കേവിയം കോളജിൽ നിന്ന് ബിരുദപഠനം പൂറത്തിയാക്കിയ സനൂപ് ഇക്കഴിഞ്ഞ സീസണിൽ അഖിലേന്ത്യ ഇന്റർ യൂനിവേഴ്‌സിറ്റി ചാംപ്യൻഷിപ്പിൽ റണ്ണേഴ്‌സ് അപ്പായ കാലിക്കറ്റ് യൂനിവേഴ്‌സിറ്റി ടീമിന്റെ കുന്തമുനയായിരുന്നു. വിങ്ങിലൂടെ കുതിച്ചുപാഞ്ഞ സനൂപിന്റെ ബൂട്ടുകളിൽ നിന്ന് ആറ് ഗോളുകളാണ് ഈ ടൂർണമെന്റിൽ പിറന്നത്. സനൂപിന്റെ ഈ മികവിലായിരുന്നു കാലിക്കറ്റ് കലാശപ്പോര് വരയുള്ള കുതിപ്പ് നടത്തിയത്. അണ്ടർ19 ഇന്ത്യൻ ടീമിൽ കളിച്ച സനൂപ് സന്തോഷ് ട്രോഫി കേളര ക്യാംപിലും ഇടംപിടിച്ചിരുന്നു. 65ാമത് നാഷണൽ സ്‌കൂൾ ഗെയിംസ് ചാംപ്യൻഷിപ്പിലും കേരളത്തിനായി ബൂട്ടുക്കെട്ടിയ സനൂപ് മൂന്നുതവണ കേരള ബ്ലാസ്‌റ്റേഴ്‌സിന്റെ റിസർവ് ടീമിലും അംഗമായിരുന്നു. തന്റെ കരിയറിലെ മികച്ച പ്രകടനങ്ങളും നേട്ടങ്ങളും കൊണ്ടുതന്നെ സർക്കാർ സർവീസിൽ ജോലി ലഭിക്കേണ്ട ആളാണ് സനൂപ്. 

എന്നാൽ വിവിധയിടങ്ങളിൽ അപേക്ഷകൾ സമർപ്പിച്ചിട്ടും എസ്.സി വിഭാഗത്തിൽ നിന്നുള്ള സനൂപിന്റെ മുന്നിൽ പ്രതീക്ഷയുടെ വാതിലുകൾ തുറന്നിട്ടില്ല. ഉരുൾ ദുരന്തം അതിജീവിച്ച കുടുംബമാണ് സനൂപിന്റേത്. നിലവിൽ കുടുംബം മേപ്പാടി അരപ്പറ്റയിൽ വാടകക്ക് താമസിക്കുകയാണ്. ചന്ദ്രൻ-ശശികല ദമ്പതികളുടെ മകനായ സനൂപിന്റെ ചേട്ടൻ സജിത്തും ഫുട്‌ബോൾ താരമാണ്. എ.എഫ്.സി ബി ലൈസൻസ് നേടിയിട്ടുള്ള സജിത്ത് നിലവിൽ ദുബൈയിലെ സി.എഫ്.എഫ്.എ ഫുട്‌ബോൾ അക്കാദമിയുടെ മുഖ്യപരിശീലകനാണ്. ചേച്ചി സുചിത്രയും അടങ്ങുന്നതാണ് സനൂപിന്റെ കുടുംബം.

Sanup Chandran, a talented footballer from Wayanad, has appealed to the government for a job after showcasing his impressive medal collection. Hailing from a tribal community, Sanup has achieved significant success in football, including selection to the Under-19 Indian team. With hopes of government recognition, Sanup awaits a positive response to his plea [1].