അരീക്കോട്: റോളര്‍ സ്‌കേറ്റിങ് ക്ലബിന്റെ ആഭിമുഖ്യത്തില്‍ പഞ്ചായത്തിന്റെ സഹകരണത്തോടെ സംഘടിപ്പിച്ച റോളര്‍ സ്‌കേറ്റിങ് പരിശീലന ക്യാംപ് സമാപിച്ചു. പി.കെ ബഷീര്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്തംഗം അഡ്വ.പി.വി മനാഫ് അധ്യക്ഷനായി. പരിശീലനം പൂര്‍ത്തീകരിച്ച വിദ്യാര്‍ഥികള്‍ക്കുള്ള സര്‍ട്ടിഫിക്കറ്റ് വിതരണം പഞ്ചായത്ത് പ്രസിഡന്റ് അമ്പാഴത്തിങ്ങല്‍ മുനീറ വിതരണം ചെയ്തു. സ്‌കേറ്റിങ് ഹോക്കി ഇന്ത്യന്‍ പരിശീലന ക്യാംപിലേക്ക് തെരഞ്ഞെടുക്കപ്പെട്ട മുഹമ്മദ് റോഷന് എം.എല്‍.എ ഉപഹാരം നല്‍കി. പഞ്ചായത്ത് അംഗങ്ങളായ സറീന ജാഫര്‍, വി.പി സുഹൈര്‍, ഉമ്മര്‍ വെള്ളേരി, അരീക്കോട് ഗവ.ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ ടി.കെ ബീരാന്‍ മാസ്റ്റര്‍, പി.ടി.എ പ്രസിഡന്റ് വി.മുഹമ്മദ്, ക്ലബ് സെക്രട്ടറി വി.ഹഫ്‌സത്ത്, അന്‍വര്‍ കാരാട്ടില്‍, നൗഷര്‍ കല്ലട, ബുഷൈര്‍, പി.മുബഷിര്‍ മാസ്റ്റര്‍, ഉമ്മര്‍ സംസാരിച്ചു.