തൃശൂര്‍: മയക്കുമരുന്നുമായി ഡി-അഡിക്ഷന്‍ സെന്റര്‍ ജീവനക്കാരന്‍ പിടിയില്‍. തൃശൂര്‍ കറുകുറ്റിയിലെ സ്വകാര്യ ഡി-അഡിക്ഷന്‍ സെന്ററിലെ ജോലിക്കാരനായ കൊരട്ടി ചെറ്റാരിക്കല്‍ സ്വദേശി വിവേക് ആണ് പിടിയിലായത്. ഇയാളുടെ പക്കല്‍ നിന്നും 4.5 ഗ്രാം മെത്താഫെറ്റമിന്‍ എക്‌സൈസ് സംഘം കണ്ടെടുത്തു. 

ഡി-അഡിക്ഷന്‍ സെന്ററില്‍ ജോലി ചെയ്ത കാലയളവില്‍ സ്ഥാപന മേധാവികളറിയാതെ ഇയാള്‍ രോഗികള്‍ക്ക് ലഹരിമരുന്ന് കൈമാറിയെന്നാണ് കണ്ടെത്തല്‍. അങ്കമാലി കേന്ദ്രീകരിച്ച് പ്രവര്‍ത്തിക്കുന്ന മയക്കുമരുന്ന് ലോബിയുടെ പ്രധാന കണ്ണിയാണ് പിടിയിലായ വിവേക് എന്നും റിപ്പോര്‍ട്ടുണ്ട്. അര ഗ്രാമിന് 3000 രൂപ നിരക്കിലാണ് ഇയാള്‍ മയക്കുമരുന്ന് വിറ്റിരുന്നത്.

ALSO READ: മിസ്റ്റര്‍ പെരുന്തച്ചന്‍ കുര്യന്‍ സാറേ ! യൂത്ത് കോണ്‍ഗ്രസിനെ പിന്നില്‍ നിന്ന് ഉളി എറിഞ്ഞ് വീഴ്ത്തരുതേ... പിജെ കുര്യനെ വിമര്‍ശിച്ച് സംസ്ഥാന ജനറല്‍ സെക്രട്ടറി