തേഞ്ഞിപ്പലം: കാലിക്കറ്റ് സർവകലാശാല ക്യാമ്പസിൽ സമരങ്ങൾക്ക് നിരോധനം. അഡ്മിനിസ്‌ട്രേറ്റീവ് ഓഫീസ്, പരീക്ഷാഭവൻ, സർവകലാശാല കെട്ടിടങ്ങൾ എന്നിവയുടെ 200 മീറ്റർ ചുറ്റളവിൽ സമരങ്ങൾ നടത്താൻ പാടില്ലെന്നാണ് ഉത്തരവിൽ പറയുന്നത്. കഴിഞ്ഞ ദിവസങ്ങളിൽ യൂണിവേഴ്സിറ്റിയിൽ ക്യാമ്പസിൽ നിരവധി പ്രതിഷേധങ്ങളും സംഘർഷങ്ങളും നടന്നിരുന്നു. ഇതിന് പിന്നാലെയാണ് സമരത്തിന് നിരോധനം ഏർപ്പെടുത്തിയത്. 

സര്വകലാശാലകളിൽ സമരങ്ങൾ നടത്താൻ പാടില്ലെന്ന് ഹൈക്കോടതി നേരത്തെ തന്നെ നിർദേശം നൽകിയിരുന്നു. ഈ ഉത്തരവ് അടിസ്ഥാനമാക്കിയാണ് ഇപ്പോൾ ഈ നിരോധനം കൊണ്ടുവന്നത്. നിരോധനം ഏർപ്പെടുത്തിയെന്ന് കാണിച്ചുകൊണ്ട് തേഞ്ഞിപ്പലം എസ്എച്ച്ഒ വിദ്യാർഥി സംഘടനകൾക്ക് കത്തയക്കുകയും ചെയ്തു.