മലപ്പുറം: പരപ്പനങ്ങാടിയില്‍ ഒഴുക്കില്‍പെട്ട് കാണാതായ വിദ്യാർഥിയുടെ മൃതദേഹം തൃശൂരിൽ നിന്ന് കണ്ടെത്തി. താനൂര്‍ സ്വദേശി ജൂറൈജാണ് മരിച്ചത്. പതിനേഴ് വയസായിരുന്നു. തൃശൂര്‍ അഴീക്കോട് ബീച്ചിൽ നിന്നാണ് മൃതദേഹം കണ്ടെത്തിയത്. ബുധനാഴ്ചയാണ് യുവാവിനെ പുഴയിൽ കാണാതായത്.

പരപ്പനങ്ങാടിയില്‍ പുഴയില്‍ കുളിക്കുന്നതിനിടെയാണ് പതിനേഴുകാരൻ ഒഴുക്കില്‍പ്പെട്ടത്. ശക്തമായ അടി ഒഴുക്കുള്ള സ്ഥലത്താണ് കാണാതായത്. മൂന്ന് ദിവസത്തിന് ശേഷമാണ് മൃതദേഹം തൃശൂര്‍ അഴീക്കോട് ബീച്ചില്‍ നിന്നും കണ്ടെത്തിയത്. ബന്ധുക്കള്‍ എത്തി മൃതദേഹം തിരിച്ചറിഞ്ഞു.

ALSO READ: കോഴിക്കോട് കുറ്റിച്ചിറ കുളത്തിൽ വിദ്യാർത്ഥി മുങ്ങി മരിച്ചു

വിദ്യാർഥിയെ കാണാതായത് മുതൽ എന്‍.ഡി.ആര്‍.എഫ്, ഫയര്‍ ഫോഴ്‌സ് എന്നിവര്‍ക്ക് ഒപ്പം സന്നദ്ധ സംഘടനകളും നാട്ടുകാരും തിരച്ചില്‍ നടത്തിയിരുന്നു. ശക്തമായ അടി ഒഴുക്കും പാറ കുഴികളും നിറഞ്ഞ സ്ഥലമായതിനാൽ രക്ഷാപ്രവര്‍ത്തനം ദുഷ്‌കരമാക്കി.