ന്യൂഡൽഹി : ട്രെയിൻ യാത്ര സുരക്ഷിതമാക്കാൻ കോച്ചുകളിൽ സിസിടിവി ക്യാമറകൾ സ്ഥാപിക്കാനൊരുങ്ങി ഇന്ത്യൻ റെയിൽവേ. പരീക്ഷണാടിസ്ഥാനത്തിൽ നടപ്പാക്കിയ പദ്ധതി വൻ വിജയമായതിന് പിന്നാലെയാണ് രാജ്യവ്യാപകമായി പദ്ധതി വ്യാപിപ്പിക്കാൻ റെയിൽവേ തീരുമാനിച്ചത്. 74000 കോച്ചുകളിലും 15000 എഞ്ചിനുകളിലും ക്യാമറ ഘടിപ്പിക്കാൻ റെയിൽവേ മന്ത്രാലയം അനുമതി നൽകി. 

ആദ്യഘട്ടത്തിൽ മെട്രോ ന​ഗരങ്ങളിലെ ട്രെയിനുകളിലായിരിക്കും ക്യാമറകൾ ഘടിപ്പിക്കുക. കുറഞ്ഞ വെളിച്ചത്തിലും, 100 കിമീ വരെ വേ​ഗതയിലും പ്രവർത്തിക്കുന്ന 360 ഡി​ഗ്രി ക്യാമറയാണ് ഘടിപ്പിക്കുക. ഒരു കോച്ചിൽ നാലും എഞ്ചിനിൽ 6 ഉം ക്യാമറകൾ വീതം ഘടിപ്പിക്കും. കോച്ചുകളുടെ വാതിലിനടുത്തും കോമൺ ഏരിയയിലും ക്യാമറകൾ ഘടിപ്പിക്കും. യാത്രക്കാരുടെ സ്വകാര്യത ഉറപ്പാക്കുമെന്നും റെയിൽവേ വ്യക്തമാക്കി. ക്യാമറകളിലൂടെ ലഭിക്കുന്ന ദൃശ്യങ്ങൾ പരിശോധിക്കാനടക്കം എഐ സാങ്കേതിക വിദ്യ ഉപയോ​ഗിക്കാനും നിർദേശം നൽകിയിട്ടുണ്ട്.

ALSO READ: മഹാരാഷ്ട്രയിൽ 1.5 കോടിയുടെ കവർച്ച നടത്തിയ മലയാളി സംഘം വയനാട്ടിൽ പിടിയിൽ

Indian Railways is planning to install CCTV cameras in train coaches to make travel safer. The Railway Ministry has approved putting cameras in 74,000 coaches and 15,000 engines.