മാള: മാള ടൗണിലെ ഹൈമാസ്റ്റ് ലൈറ്റും പഞ്ചായത്തിലെ വിവിധ വാര്‍ഡുകളിലെ തെരുവു വിളക്കുകളും കത്താത്തതില്‍ കോണ്‍ഗ്രസ്സ് പാര്‍ലിമെന്ററി പാര്‍ട്ടിയുടെ നേതൃത്വത്തില്‍ ടൗണിലുള്ള ഹൈമാസ്റ്റ് ലൈറ്റിനു താഴെ മെഴുകു തിരികള്‍ കത്തിച്ചും റീത്ത് സമര്‍പ്പിച്ചും പ്രതിഷേധ സമരം സംഘടിപ്പിച്ചു.
കോണ്‍ഗ്രസ് പാര്‍ലിമെന്ററി പാര്‍ട്ടി ലീഡര്‍ ടി.കെ ജിനേഷ് അധ്യക്ഷനായി. ജില്ലാ പഞ്ചായത്ത് മെമ്പര്‍ നിര്‍മ്മല്‍ സി പാത്താടന്‍ പന്തത്തിനു പ്രതിഷേധ ജ്യാല പകര്‍ന്നു ഉദ്ഘാടനം ചെയ്തു. എ.എ അഷറഫ് മുഖ്യ പ്രഭാഷണം നടത്തി.
വാര്‍ഡ് മെമ്പര്‍ ജൂലി ബെന്നി കോണ്‍ഗ്രസ്സ് നേതാക്കളായ ജോഷി കാഞ്ഞൂത്തറ , വക്കച്ചന്‍ അമ്പൂക്കന്‍, വിത്സന്‍ കാഞ്ഞൂത്തറ, കെ.എം ബാവ , കെ.എം പുരുഷോത്തമന്‍ , ബഷീര്‍ തെക്കത്ത് , അഷറഫ് വെളുത്തേരി , എന്‍.കെ സൈഫുദ്ദീന്‍ സംസാരിച്ചു.