പെരിന്തല്‍മണ്ണ: അസമികള്‍ പ്രതികളായ കൊലപാതകം നടന്നിട്ട് ഒന്‍പതുവര്‍ഷം കഴിഞ്ഞിട്ടും പ്രതികളെ പിടികൂടാനായില്ല. പെരിന്തല്‍മണ്ണ മൗലാനാ ആശുപത്രിക്കു സമീപത്തെ മരമില്ലില്‍ മാനേജരായിരുന്ന ബാലനെ കൊലപ്പെടുത്തിയ കേസിലെ പ്രതികളായ ആസാം സ്വദേശികളെയാണ് ഇതുവരെ പിടികൂടാന്‍ കേരള പൊലിസിനാകാത്തത്.
2007 ഡിസംബറിലാണു പെരിന്തല്‍മണ്ണ നഗരത്തില്‍ ഊട്ടി റോഡിലെ മൗലാന ആശുപത്രിക്കു സമീപമുള്ള മരമില്ലിന്റെ മാനേജരായിരുന്ന വടകര സ്വദേശി വലിയപറമ്പില്‍ ബാലന്‍(60) കൊല്ലപ്പെട്ടത്. അസാം സ്വദേശികളായിരുന്ന രണ്ടണ്ടു യുവാക്കളായിരുന്നു പ്രതികള്‍. ബാലനെ കൊലപ്പെടുത്തിയ ശേഷം മൃതദേഹം മരമില്ലിലെ ഈര്‍ച്ചപ്പൊടിക്കുഴിയില്‍ മൂടുകയായിരുന്നു. മരമില്ലിലെ തൊഴിലാളികള്‍ ഡിസംബര്‍ 27നു രാവിലെ കുഴിയിലെ ഈര്‍ച്ചപ്പൊടി നീക്കുമ്പോഴാണു മൃതദേഹം കണ്ടണ്ടത്. ഡിസംബര്‍17 മുതല്‍ കാണാതായ മരമില്ലിലെ രണ്ടണ്ട് അസാം സ്വദേശികളെ കേന്ദ്രീകരിച്ച് അന്വേഷണം നടത്തിയെങ്കിലും ഇവരെ കണ്ടെണ്ടത്താനായില്ല. അന്നത്തെ സര്‍ക്കിള്‍ ഇന്‍സ്‌പെക്ടര്‍ റെജി ജേക്കബ്, സബ് ഇന്‍സ്‌പെക്ടര്‍ കെ.ജി സുരേഷ് എന്നിവരുടെ നേതൃത്വത്തിലായിരുന്നു അന്വേഷണം.
മറുനാടന്‍ തൊഴിലാളികളായെത്തിയ അസമികള്‍ ഉള്‍പ്പെട്ട കേരളത്തിലെ ആദ്യത്തെ കൊലപാതകമാണിത്. ഇതര സംസ്ഥാന തൊഴിലാളികള്‍ ഉള്‍പ്പെട്ട നിരവധി കേസുകളാണ് പിന്നീടുണ്ടായിട്ടുള്ളത്. കൊലപാതകങ്ങളും കവര്‍ച്ചാകേസുകളും ഉണ്ടായിട്ടുണ്ട്. മലപ്പുറം കോട്ടപ്പടിയിലെ മൊബൈല്‍ ഷോപ്പ് കവര്‍ച്ച നടത്തിയ പ്രതികളെ കണ്ടെത്തിയെങ്കിലും തൊണ്ടിമുതല്‍ ബംഗാളിലെ കടയില്‍ നിന്നു കണ്ടെടുക്കാന്‍ കേരള പൊലിസിനായില്ല.