കരുനാഗപ്പള്ളി: സമസ്ത കേരള സുന്നി സ്റ്റുഡന്റ്‌സ് ഫെഡറേഷന്‍ കരുനാഗപ്പള്ളി മേഖല കമ്മിറ്റിയുടെ നേതൃത്വത്തില്‍ ആദര്‍ശ സമ്മേളനം നാളെ ഓച്ചിറ ടൗണ്‍ മൈതാനിയില്‍ നടക്കും. സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സയ്യിദ് മുഹ്‌സിന്‍ കോയ തങ്ങള്‍ അധ്യക്ഷനാകും. ഹാറൂണ്‍ അഹ്‌സനി മംഗലാപുരം ഉദ്ഘാടനം ചെയ്യും. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ ആദര്‍ശ പ്രഭാഷണം നടത്തും. ഉള്ളാളം മഖാം ചീഫ് ഇമാം ഷമീം സഖാഫി, മംഗലൂരു ടൗണ്‍ മസ്ജിദ് ചീഫ് ഇമാം ഖലീല്‍ അംജദി, ഹാഫിസ് നഈമി ബംഗലൂര്‍ പങ്കെടുക്കും.